| e-texts navigator |
| Wylie |
339a1 ལ་སོ་སོ་ཡང་དག་པར་སློབ་སྟེ། བུད་མེད་ནི་འདི་ལྟར་བཙོག་པ། འདི་ལྟར་དྲིང་བ། འདི་ལྟར་མི་མཐུན་པ། འདི་ལྟར་བལྟ་བར་མི་འོས་པའོ།། ཉོན་མོངས་པ་ཁོལ་བའི་བུང་།
339a2 མེད་དེ་དག་དང་བསྟེན་པར་བྱ་བ་མ་ཡིན་ཏེ། འདོད་པ་རྣམས་ནི་དྲི་བའོ།། འདོད་པ་རྣམས་ནི་མི་མཐུན་པའོ།། འདོད་པ་རྣམས་ནི་མི་གཙང་བའོ།། འདོད་པ་རྣམས་ནི་བལྟ་བར་མི་འོས་པའོ་ཞེས།
339a3 བཅོམ་ལྡན་འདས་ཀྱིས་བཀའ་སྩལ་ཏོ།། སྙམ་མོ།། ཤཱ་རིའི་བུ་སྐྱེས་པའི་ལུས་ལ་ཡོད་པ་ལྟ་བུ་མ་ཡིན་པ། བུད་མེད་ལ་ཆེས་ལྷག་པ་སྲིན་བུའི་ཚོགས་ལྔ་ཡོད་དེ། ཤཱ་རིའི་བུ་སྲིན་བུའི་ཚོགས་ལྔ
339a4 པོ་དེ་དག་ནི་བུད་མེད་ཀྱི་གཅི་བའི་ལམ་ན་གནས་ཏེ། སྲིན་བུའི་ཚོགས་རེ་རེ་ལ་སྲིན་བུ་བརྒྱད་ཅུ་བརྒྱད་ཅུ་ཡོད་ལ་མདུ་རྣོ་ཞིང་མཆུ་ཁ་གཉིས་ན་ཡོད་དེ། དེ་དག་རྟག་ཏུ་རྒྱུན་མི་འཆད་པར་བུད་མེད་ཀྱི་ལུས་ལ་ཟའོ།། །
339a5 དེས་ན་ཉོན་མོངས་པ་དག་གིས་བུད་མེད་ལྷག་པར་གཡེན་སྤྱོད་སྟེ། འདོད་པ་ཡོངས་སུ་སྤྱད་པ་དག་གིས་ངོམ་མི་མྱོང་ངོ་།། ཤཱ་རིའི་བུ་དེ་ལྟར་ན། འདོད་པ་རྣམས་ནི་ཉེས་དམིགས་ཡིན་པར་མཐོང་ན་དེ་དག
339a6 འདོད་པ་རྣམས་ལ་ཡིད་འབྱུང་བར་འགྱུར། འདོད་ཆགས་དང་བྲལ་བར་འགྱུར་ཏེ། མངོན་པར་དགའ་ནས་ཚངས་པར་སྤྱད་པ་སྤྱོད་ཅིང་། བཞིན་དང་དཔྲལ་བའི་མདངས་གསལ་བ་ཡིན་ནོ།། ཤཱ་རིའི་བུ
339a7 འདི་ནི་འདོད་པའི་ཕུང་པོའི་ཕུང་པོ་ལས་བཙམ་ནས་ཆོས་སྟོན་པ་ཡིན་ཏེ། ཤཱ་རིའི་བུ་འདོད་པ་ཡོངས་སུ་སྤྱོད་པ་དག་ལ་ཡིད་འབྱུང་བར་བྱའོ།། ཤཱ་རིའི་བུ་ཀུན་ནས་ཉོན་མོངས་པ་གང་ཞེ་ན།
iiif viewer powered by OpenSeadragon
