| e-texts navigator |
| Wylie |
334a1 གོ་བཅོམ་ལྡན་འདས་བྱང་ཆུབ་སེམས་དཔས་ནི་རེ་ཤིག་བདག་ཉིད་དུལ་བར་བགྱི། བདག་ཉིད་ཞི་བར་བགྱིའོ།། བདག་ཉིད་དུལ་ཞིང་ཞི་ལ་ཉེ་བར་ཞི་ནས། ཆོས་ཀྱི་ངོ་།
334a2 ཉིད་ཀྱི་དམ་པའི་ཆོས་ཡོངས་སུ་གཟུང་བར་ནུས་ཏེ། བཅོམ་ལྡན་འདས་བདག་ནི་དག་ཉིད་དུལ་ཞིང་བཞི་ལ་ཉེ་བར་ཞི་ནས། ཆོས་ཀྱི་ངོ་བོ་ཉིད་ཀྱིས་དམ་པའི་ཆོས་ཡོངས་སུ་གཟུངས་པར་འགྱིའོ།།
334a3 དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དམ་པའི་ཆོས་ཡོངས་སུ་འཛིན་པ་དེ་དག་ལ་ལེགས་སོ་ཞེས་བྱ་བ་བྱིན་ཏེ། སྐྱེས་བུ་དམ་པ་དང་འདི་ལྟར་ཁྱེད་ཅག་སེམས་ཅན
334a4 ཐམས་ཅད་ལ་ཕན་པ་དང་། བདེ་བའི་ཕྱིར་དམ་པའི་ཆོས་ཡོངས་སུ་གཟུང་བར་སྤྲོ་བ་ནི་ལེགས་སོ་ལེགས་སོ།། འདི་ནི་ཁྱེད་དང་འཚམ་མོ།། དམ་པའི་ཆོས་ཡོངས་སུ་འཛིན་པ་ནི། བྱང་ཆུབ
334a5 སེམས་དཔའ་རྣམས་ཀྱི་ཡང་དག་ཕུལ་གྱི་ཆོས་སོ།། བྱང་ཆུབ་སེམས་དཔས་རྟག་ཏུ་དམ་པའི་ཆོས་ཡོངས་སུ་བཟུང་བ་ལ་བརྩོན་པར་བྱའོ།། རིགས་ཀྱི་བུ་དག་ཆོས་ཡང་དག་པར་བརྗོད་པ་དང་རབ
334a6 ཏུ་ལྡན་པའི་ཆོས་ཀྱི་རྣམ་གྲངས་འདི་བཟུང་བ་དང་། ཀློགས་པ་དང་། ཀུན་ཆུབ་པར་བྱས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། སྐྱེ་བ་མེད་པ་དང་། འགག་པ་མེད་པའི་སྐུ་ནི་ཆོས་ཀྱི
334a7 སྐུའི།། ཆོས་ཀྱི་སྐུ་ནི་སངས་རྒྱས་ཀྱི་སྐུའོ་ཞེས་སངས་རྒྱས་ལ་སྣང་བ་ཆེན་པོ་ཐོབ་པར་འགྱུར་རོ།། ཆོས་ཐམས་ཅད་ནི་མ་བྱས་པ་འདུས་མ་བྱས་པའོ་ཞེས་ཆོས་ལ་སྣང་བ་ཆེན་པོ་ཐོབ་པར་འགྱུར་རོ།།
iiif viewer powered by OpenSeadragon
