| e-texts navigator |
| Wylie |
332a1 ཆོས་མཉམ་པ་འདི་ལ་ངེས་པར་རྟོག་པ་དེ་དང་དེ་དག་ནི། བསམ་གཏན་པ་ལགས་སོ།། གང་དག་ཆོས་མཉམ་པ་ཉིད་འདི་རྣམ་པར་སྤྱོད་པ་དེ་དང་དེ་དག་ན། ཤེས་རབ་དང་ལྡན
332a2 པ་ལགས་སོ།། བཅོམ་ལྡན་འདས་ཆོས་ཀྱི་རྣམ་གྲངས་འདི་ལ་གང་དད་པ་རྙེད་པ་དེ་དག་གིས་དེ་བཞིན་གཤེགས་པ་མཐོང་ངོ་།། དེ་དག་གིས་ཆོས་མངོན་སུམ་དུ་བགྱིས་སོ།། བཅོམ་ལྡན་འདས
332a3 དེ་དག་གིས་བདུད་བཏུལ་ལོ།། བཅོམ་ལྡན་འདས་གང་དག་ཆོས་ཀྱི་རྣམ་གྲངས་འདི་རབ་ཏུ་སྟོན་པ་དེ་དག། དེ་བཞིན་གཤེགས་པའི་ཆོས་ཀྱི་འཁོར་ལོ་རབ་ཏུ་བསྐོར་བ་ལགས་སོ།། བཅོམ་ལྡན་འ།
332a4 གཏ་དག་གིས་ཆོས་ཀྱི་རྣམ་གྲངས་འདི་ཁོང་དུ་ཆུད་པ་དེ་དག་ཆོས་རྟོགས་པ་ལགས་སོ། དེ་ནས་བཅོམ་ལྡན་འདས་ཀྱིས། ལྷའི་བུ་བཟང་སེམས་ལ་ལེགས་སོ་ཞེས་བྱ་བ་བྱིན་ཏོ།
332a5 བཟང་སེམས་ལེགས་སོ་ལེགས་སོ།། དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། བཟང་སེམས་གང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི
332a6 བྱང་ཆུབ་ནི་ཆོས་ཀྱི་རྣམ་གྲངས་འདི་ལུས་རབ་ཏུ་བསྟན་ཏོ།། གང་དེ་བཞིན་གཤེགས་པ་ཐམས་ཅད་ཀྱིས་དགོངས་པ་དེ་ཐམས་ཅད་ཀྱང་ཆོས་ཀྱི་རྣམ་གྲངས་འདི་ལས་བཤད་དོ།། བྱང་ཆུབ་སེམས
332a7 དཔའ་གང་དག་ཆོས་ཀྱི་རྣམ་གྲངས་འདི་ཐོས་པར་འགྱུར་བ་དེ་དག་ནི་རྙེད་པ་ཆེན་པོ་འབྱོར་པར་འགྱུར་རོ།། ཆོས་ཀྱི་རྣམ་གྲངས་འདི་གང་དག་གི་ལག་ཏུ་སོང་བ་དེ་དག་ནི། ཆོས་ཀྱི་གཏེར་ཆེན་པོ་ཐོབ་པར
iiif viewer powered by OpenSeadragon
