| e-texts navigator |
| Wylie |
330b1 ཐམས་ཅད་ཀྱིས་རྣམ་པར་སྨིན་པ་ལ་མི་རེ་བས། སངས་རྒྱས་ཀྱི་ཆོས་ཕྱིར་མི་ལྡོག་པ་ཐོབ་པ་དང་། ཀུན་ཏུ་འཛིན་པ་ཐམས་ཅད་ཡོངས་སུ་གཏོང་བས་མི་འཇིགས་པ་ཐོབ་པ་སྟེ། རིགས་ཀྱི
330b2 བུ་ངས་བསྐལ་པའམ། བསྐལ་པ་ལས་ལྷག་པར་བྱང་ཆུབ་སེམས་དཔའི་ཆོ་ག་བསྟན་ནས་ཀྱང་མཐར་ཕྱིན་པར་མི་འགྱུར་རོ།། དེ་ལྟར་བྱང་ཆུབ་སེམས་དཔའ་རྣམས་ཀྱི་ཆོ་ག་ཚད་མེད་དེ།
330b3 འདི་ནི་བྱང་ཆུབ་སེམས་དཔའི་ཆོ་ག་ཞེས་བྱའོ།། རིགས་ཀྱི་བུ་དེ་ལྟར་ན། ཆོ་ག་དང་སྤྱོད་ཡུལ་ཕུན་སུམ་ཚོགས་པ་ཡིན་ནོ།། དེ་ལྟར་ཆོ་ག་དང་སྤྱོད་ཡུལ་ཕུན་སུམ་ཚོགས་པའི་བྱང་ཆུབ་སམ
330b4 དཔའ་ནི། སངས་རྒྱས་ཀྱི་བྱང་ཆུབ་རྙེད་པར་དཀའ་བའི་འདུ་ཤེས་ཅན་མ་ཡིན་ནོ།། ལྷའི་བུ་བཟང་སེམས་ཀྱིས་གསོལ་པ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་ཤེས་བཞིན
330b5 དང་ལྡན་པ་ཞེས་བགྱི། བཅོམ་ལྡན་འདས་ཀྱིས་དཀའ་སྩལ་པ་ལྷའི་བུ་གང་བྱང་ཆུབ་སེམས་དཔའ་རྟག་ཏུ་ཏིང་ངེ་འཛིན་མི་འདོད་ལ་ཏིང་ངེ་འཛིན་གྱི་དབང་གིས་ཀྱང་མི་སྨྲ་བ་དང་། ཏིང་ངེ
330b6 འཛིན་ལས་ལོག་ནས་གང་དུ་སེམས་ཅན་གྱི་དོན་བྱ་བ་དེར་སྐྱེ་བ་སྟེ། རིགས་ཀྱི་བུ་དེ་ལྟར་ན། བྱང་ཆུབ་སེམས་དཔའ་ཤེས་བཞིན་དང་ལྡན་པ་ཞེས་བྱའོ།། ལྷའི་བུ་བཟང་སེམས་ཀྱིས་གསོལ།
330b7 པ་ཏེ་བཅོམ་ལྡན་འདས་ཇི་ལྟར་ན། བྱང་ཆུབ་སེམས་དཔའ་དབེན་པ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་བྱང་ཆུབ་སེམས་དཔའ་གང་ཐམས་ཅད་དེ་བཞིན་ཉིད་དང་།།
iiif viewer powered by OpenSeadragon
