| e-texts navigator |
| Wylie |
330a1 བཅད་པ་རབ་ཏུ་བྱིན་པས་ཆོས་ལ་རབ་ཏུ་དགའ་བ་དང་། གྲགས་པའི་སྒྲ་དང་། གསོང་པོར་སྨྲ་བས་ངག་ཡོངས་སུ་དག་པ་དང་། སྙན་པར་སྨྲ་བས་ཚངས་པའི་སྒྲ་དང་།
330a2 འཇམ་པོར་སྨྲ་བས་བྱཱ་ཀ་ལ་བིངྒའི་སྒྲ་སྐད་དང་། ཁོང་ཁྲོ་བ་མེད་པའི་སེམས་ཀྱིས་འཇིག་རྟེན་ཐམས་ཅད་དུ་གྲགས་པ་དང་། སེམས་ཅན་ཐམས་ཅད་ལ་མི་སླུ་བས་དབང་གཅིག་པར་འགྱུར།
330a3 བ་དང་། ལྟུང་བ་མེད་གླེངས་པས། མངལ་གྱི་གནས་ལས་ཡང་དག་པར་འདའ་བ་དང་། སྲོག་གཅོད་པ་སྤོང་བས་ཚེ་དཔག་ཏུ་མེད་པ་དང་། རྐུན་པོ་ཡོངས་སུ་སྤོང་བས་ནམ་མཁའ
330a4 མཛོད་དང་། སྡུག་པའི་དངོས་པོ་ཡོངས་སུ་གཏོང་བས་ལག་ན་རིན་པོ་ཆེ་དང་། བྱང་ཆུབ་ཏུ་ཡོངས་སུ་སྔོ་བས་ལོངས་སྤྱོད་མི་ཟད་པ་དང་། འདོད་པ་ལ་ལོག་པར་གཡེམ་པ་ཡོངས་སུ་སྤོང
330a5 བས། སྐྱེས་བུ་ཆེན་པོ་དང་། བརྫུན་དུ་སྨྲ་བ་ཡོངས་སུ་སྤོང་བས་ངག་གི་གསང་བ་ཐོབ་པ་དང་། ཕྲ་མ་ཡོངས་སུ་སྤོང་བས་འཇིག་རྟེན་ཐམས་ཅད་ཀྱི་སྟོན་པ་དང་། ངག་རྩུབ་པོ་ཡོངས
330a6 སུ་སྤོང་བས་འཇིག་རྟེན་ཐམས་ཅད་ཀྱིས་བསྟོད་པའི་སྣོད་དང་། ཚིག་བརྒྱལ་བ་མི་སྨྲ་བས་གཡོག་མི་ཕྱེད་པ་དང་། བརྣབ་སེམས་ཡོངས་སུ་སྤོང་བས་གཏེར་ཆེན་པོ་རྙེད་པ་དང་། གནོད།
330a7 སེམས་ཡོངས་སུ་སྤོང་བས་སྟེགས་སུ་གྱུར་པ་དང་། ལོག་པར་ལྟ་བ་ཡོངས་སུ་སྤོང་བས་འཇིག་རྟེན་ཐམས་ཅད་སྟོན་པ་དང་། ཆོས་རྒྱ་ཆེན་པོ་ལ་སྦྱོར་བས་སྟོབས་བཅུ་གཉིས་དང་། སྦྱིན་པ
iiif viewer powered by OpenSeadragon
