| e-texts navigator |
| Wylie |
196a1 རྟེན་ཅིང་འབྲེལ་བར་འབྱུང་བ་ཕྲ་མོ་ཤེས་པས་རབ་ཏུ་འབྱེད་པར་འགྱུར་རོ།། སྐྱེ་མཆེད་ལ་མཁས་པས་ཕྱི་ནང་ལ་ཤིན་ཏུ་རྨོངས་པ་སྤོངས་པར་འགྱུར་རོ།། བདེན་པ་ལ
196a2 མཁས་པས་སེམས་ཅན་ཐམས་ཅད་ལ་མི་སླུ་བར་འགྱུར་རོ།། ཡིད་ལ་བྱེད་པ་ལ་མཁས་པས་སངས་རྒྱས་ཐམས་ཅད་མཉེས་པར་བྱེད་པར་འགྱུར་རོ།། ཞི་གནས་ལ་མཁས་པས་སེམས་ཞི་བར
196a3 འགྱུར་རོ།། ལྷག་མཐོང་ལ་མཁས་པས་སེམས་དུལ་བར་འགྱུར་རོ།། ང་རྒྱལ་མེད་པས་ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་འགྱུར་རོ།། ཁེངས་པ་མེད་པས་ཡིད་རྟོན་པར
196a4 འགྱུར་རོ།། སེམས་ཅན་ཐམས་ཅད་ལ་མི་སླུ་བས་དབང་གཅིག་པར་འགྱུར་རོ།། དམ་བཅས་པ་ལ་བརྟན་པས་ལྷ་དང་མི་མགུ་བར་བྱེད་པར་འགྱུར་རོ།། ཇི་སྐད་སྨྲ་བ་དེ་བཞིན་དུ་བྱེད་པས་སྐྱེས
196a5 བུ་དམ་པའི་ཆོས་ཡོངས་སུ་རྫོགས་པར་འགྱུར་རོ།། ནང་དུ་སེམས་པས་བདེ་བར་ཁོང་དུ་ཆུད་པར་འགྱུར་རོ།། སེམས་འཆོས་པས་ཆོས་ཀྱི་རྒྱལ་སྲིད་ཐོབ་པར་འགྱུར་རོ།། ལུས་སྲུང་བ་དང་ལུས་ལ་མི
196a6 ལྟ་བས་སངས་རྒྱས་ཀྱི་སྐུ་ཐོབ་པར་འགྱུར་རོ།། འཇམ་ཞིང་སྙན་ལ་ཕན་པར་སྨྲ་བས་ཚངས་པའི་སྒྲ་སྐད་སྒྲོག་པའི་དབྱངས་ཐོབ་པར་འགྱུར་རོ།། དཀོན་མཆོག་གསུམ་ལ་དད་པ་མི་ཕྱེད་པས་གནས་དང
196a7 གནས་མ་ཡིན་པ་མཁྱེན་པའི་སྟོབས་ཐོབ་པར་འགྱུར་རོ།། ཐམས་ཅད་དུ་ལེག་པར་བྱ་བའི་ལས་བྱེད་པས་ལས་ཀྱི་རྣམ་པར་སྨིན་པ་མཁྱེན་པའི་སྟོབས་ཐོབ་པར་འགྱུར་རོ།། སེམས་ཅན་ཡེ་ཤེས་ཀྱི
iiif viewer powered by OpenSeadragon
