| e-texts navigator |
| Wylie |
193a1 འཁོར་དང་། ཕོ་བྲང་འཁོར་རྣམས་སུ་བསམ་གཏན་གྱི་སྟོབས་སྟོན་པ་ལགས། ཇི་ལྟར་ན་དགོན་པ་དང་། བས་མཐའ་རྣམས་སུ་ཉོན་མོངས་པ་ཆུང་བར་སྟོན་པ་ལགས།
193a2 བཀའ་སྩལ་པ། གྲོང་དང་། གྲོང་ཁྱེར་དང་། ཡུལ་འཁོར་དང་། ཕོ་བྲང་འཁོར་དག་ཏུ་ཕྱིན་པ་ན། གཟུགས་དང་། སྒྲ་དང་། དྲི་དང་། རོ་དང་། རེག་བྱ་རགས་པ་དག་སྣང་བར་འགྱུར་ཏེ།
193a3 དེ་དག་ནི་བསམ་གཏན་གྱི་སྟོབས་ཀྱིས་མནན་པར་བྱའོ།། དགོན་པ་དང་བས་མཐའ་རྣམས་ན་འདུག་པའི་ཚེ། ཉོན་མོངས་པ་གང་དག་སྐྱེ་བར་འགྱུར་བ་དེ་དག་ནི་དབེན་པའི་ཡོན་ཏན་གྱིས་མནན་པར་བྱ།
193a4 སྟེ་དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན་ཆུའི་ནང་དུ་ཡང་འདུག་པར་གྱིས་ཤིག། རྟག་པར་སྐོམ་པར་ཡང་གྱིས་ཤིག། སྐོམ་པ་ཡང་སོལ་ཅིག། སྐོམ་པ་མེད་པར་ཡང་མ་བྱེད་ཅིག་པ་གསོལ།
193a5 པ། བཅོམ་ལྡན་འདས་ཇི་ལྟར་ན། བྱང་ཆུབ་སེམས་དཔའ་རྣམས་ཆབ་ཀྱི་ནང་ན་མཆིས་པ་ལགས། ཇི་ལྟར་ན་རྟག་ཏུ་སྐོམ་པ་ལགས། ཇི་ལྟར་ན་སྐོམ་པ་བསལ་བ་ལེགས། ཇི་ལྟར་ན
193a6 སྐོམ་པ་མ་མཆིས་པར་མི་བགྱིད་པ་ལགས། བཀའ་སྩལ་པ། ཆུའི་ནང་ན་འདུག་པར་བྱ་བ་ནི་ཆོས་ཀྱི་ཆུ་ལ་གནས་པར་བྱའོ།། རྟག་པར་སྐོམ་པར་བྱ་བ་ནི་ཆོས་ཀྱིས་ནོ་པང་བྱ་བའོ།། སྐོམ
193a7 པ་བསལ་བ་ནི་ཆོས་ཀྱི་བྱ་བ་སྒྲུབ་པའོ།། སྐོམ་པ་མེད་པར་མི་བྱ་བ་ནི་འདུས་མ་བྱས་སུ་ལྟུང་བར་མི་བྱ་བ་སྟེ་དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན། གཅིག་པུ་གྲོགས་མེད་པར
iiif viewer powered by OpenSeadragon
