| e-texts navigator |
| Wylie |
191a1 ལ་མངོན་པར་དགའ་བར་བགྱིད་པ་ལྕགས་ཇི་ལྟར་ན་དགའ་བ་དང་འདོད་ཆགས་དང་ལྡན་པ་ལགས། ཇི་ལྟར་ན་དགའ་བ་དང་འདོད་ཆགས་ཡོངས་སུ་གཅོད་པ་ལགས།།
191a2 བཀའ་སྩལ་པ། མངོན་པར་དགའ་བ་ཞེས་བྱ་བ་ནི། ངར་འཛིན་པ་དང་། ང་ཡིར་འཛིན་པ་སྟེ།། དེ་དག་ལ་མངོན་པར་དགའ་བར་མི་བྱའོ།། མངོན་པར་མི་དགའ་བ་ནི་བདུད་རྣམས་ཀྱིས་སངས་རྒྱས
191a3 ཀྱི་ཡེ་ཤེས་ལ་སྟེ། དེ་ལ་མངོན་པར་དགའ་བར་བྱའོ།། དགའ་བ་དང་འདོད་ཆགས་དང་ལྡན་པར་བྱ་བ་ནི་འཁོར་བ་ན་སྲེད་པ་ནི་ཟླ་ཡིན་པའོ།། དགའ་བ་དང་འདོད་ཆགས་ཡོངས་སུ་གཅད་པ་ནི།
191a4 འགོག་པ་ཡོངས་སུ་ཤེས་པར་བྱ་བ་སྟེ་དེ་ནི་ཚུལ་ལོ།། རིགས་ཀྱི་བུ་དག་དེ་ལྟ་བས་ན་བཅིང་བས་བཙོངས་པར་ཡང་གྱིས་ཤིག། བཅིང་བས་བཅིངས་པ་རྣམས་ཀྱང་ཁྲོལ་ཅིག། གྲོལ་བ་རྣམས་ལ
191a5 ཡང་བསྙེན་བཀུར་གྱིས་ཤིག། མ་གྲོལ་བ་རྣམས་ཀྱི་རྗེས་སུ་ཡང་འབྲང་བར་གྱིས་ཤིག། གསོལ་པ། བཅོམ་ལྡན་འདས་ཇི་ལྟར་ནབྱང་ཆུབ་སེམས་དཔའ་རྣམས་བཅིང་བས་བཅིངས་པ་ལགས།
191a6 ཇི་ལྟར་ན་བཅིངས་པ་རྣམས་འགྲོལ་བ་ལགས། ཇི་ལྟར་ན་གྲོལ་བ་རྣམས་ལ་བསྙེན་བཀུར་བགྱིད་པ་ལགས། ཇི་ལྟར་ན་མ་གྲོལ་བ་རྣམས་ཀྱི་རྗེས་སུ་འབྲང་བ་ལགས། བཀའ་སྩལ་པ། བཅིང
191a7 བས་བཅིངས་པར་བྱ་བ་ནི་བསླབ་པའི་བཅིང་བས་སོ།། བཅིངས་པ་རྣམས་འགྲོལ་བ་ནི་སྲིད་པའི་བཅིང་བ་ལས་སོ།། གྲོལ་བ་རྣམས་ལ་བསྙེན་བཀུར་བྱ་བ་ནི། ཉན་ཐོས་དང་། རང་སངས་རྒྱས་རྣམས
iiif viewer powered by OpenSeadragon
