| e-texts navigator |
| Wylie |
180a1 སྤྲུ་ལ་པ། ཆགས་པ་ཤེས་པར་བྱ་བ་ནི་གཟུགས་མེད་པའི་སྙོམས་པར་འཇུག་པ་རྣམས་སོ།། ཆགས་པ་རྣམས་ལ་སྤྱོད་པ་ནི་སྐྱེ་མཆེད་དྲུག་བཅད་པའོ།། ཆགས་པར་ཞེན།
180a2 པ་ལ་ལྟ་བ་ནི། སོ་སོའི་སྐྱེ་བོ་ཡོངས་སུ་སྨིན་པར་བྱའོ།། ཆགས་པ་མེད་པ་བསྲུང་བ་ནི་སྐྱོན་མེད་པར་མི་འཇུག་པ་སྟེ་དེ་ནི་ཚུལ་ལོ།། རིགས་ཀྱི་བུ་དག་དེ་ལྟར་བས་ན་འཇིགས་པར་གྱིས་ཤིག།
180a3 མངོན་པར་དགའ་བ་མེད་པར་གྱིས་ཤིག། སྙིང་བརྩེ་བ་མེད་པར་གྱིས་ཤིག། སྙིང་རྗེ་བོ་མེད་པར་གྱིས་ཤིས། གསོལ་པ། བཅོམ་ལྡན་འདས་ཇི་ལྟར་ན། བྱང་ཆུབ་སེམས་དཔའ་རྣམས
180a4 འཇིགས་པར་བགྱིད་པ་ལགས། ཇི་ལྟར་ན་མངོན་པར་དགའ་བ་མ་མཆིས་པ་ལགས། ཇི་ལྟར་ན་སྙིང་བརྩེ་བ་མ་མཆིས་པ་ལགས། ཇི་ལྟར་ན་སྙིང་རྗེ་བ་མ་མཆིས་པ་ལགས། བཀའ་སྩལ་པ།
180a5 འཇིགས་ཞེས་བྱ་བ་ནི་ཉན་ཐོས་དང་། རང་སངས་རྒྱས་ཀྱི་སས་འཇིགས་པའོ།། མངོན་པར་དགའ་བ་མེད་པ་ཅེས་བྱ་བ་ནི། གཟུགས་མེད་པའི་སྙོམས་པར་འཇུག་པ་རྣམས་ལ་དགའ་བ་མེད
180a6 པའོ།། སྙིང་བརྩེ་བ་མེད་པ་ནི། ཕྱི་རོལ་གྱི་དངོས་པོ་རྣམས་ཡོངས་སུ་བཏང་བ་ལའོ།། སྙིང་རྗེ་བ་མེད་པ་ནི། ནང་གི་དངོས་པོ་མགོ་ལ་སོགས་པ་ཡོངས་སུ་བཏང་བ་ལ་སྟེ་དེ་ནི་ཚུལ་ལོ།། རིགས
180a7 ཀྱི་བུ་དག་དེ་ལྟ་བས་ན། བདེན་པ་ཡོང་ཁོང་དུ་ཆུད་པར་གྱིས་ཤིག། བརྫུན་དུ་སྨྲ་བ་ཡང་མ་སྤངས་ཤིག། གསོལ་པ། བཅོམ་ལྡན་འདས་ཇི་ལྟ་ན། བྱང་ཆུབ་སེམས་དཔའ་རྣམས་བདེན་པ་ཁོང
iiif viewer powered by OpenSeadragon
