| e-texts navigator |
| Wylie |
178a1 ལྡན་འདས་ཀྱིས་བྱང་ཆུབ་དཔའ་རབ་ཏུ་མང་པོ་དེ་དག་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་ལེགས་སོ་ལེགས་སོ།། ཁྱེད་ཀྱི་རྟོག་པ་ནི་བཟང་པོ་ཡིན་གྱི
178a2 དྲི་བ་ནི་མཛེས་སོ།། སྤོབས་པ་ནི་དགེའོ།། ཡོད་ལ་བྱ་བ་ནི་ཚུལ་བཞིན་ནོ།། རིགས་ཀྱི་བུ་དག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། བྱང་ཆུབ་སེམས་དཔའ་སེམས་དཔའ་ཆེན
178a3 པོ་རྣམས་ཀྱི་ཚུལ་གང་བྱང་ཆུབ་སེམས་དཔང་སྤྱོད་པ་ཐམས་ཅད་སྟོན་པར་བྱེད་པ་དང་། སངས་རྒྱས་ཀྱི་ཆོས་ཐམས་ཅད་བརྗོད་པར་བྱེད་པ་དེ་ལྟ་བུའི་ཆོས་ཀྱི་རུལ་དེ་ངས་ཁྱེད་ལ་བཤད་དོ།། བཅོམ་ལྡན
178a4 འདས་ལེགས་སོ་ཞེས་གསོལ་ནས། བྱང་ཆུབ་སེམས་དཔའ་དེ་དག་བཅོམ་ལྡན་འདས་ཀྱི་ལྷར་ཉན་པ་དང་། བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་དེ
178a5 ལྟ་བས་ན།། མྱ་ངན་ལས་འདས་པའི་བ་སེམས་པ་ཅད་དུ་བྱས་ཤིག། འཁོར་བར་སྦྱོར་བ་ཅན་གྱིས་གོག། འཁོར་བ་དང་མྱ་ངན་ལས་འདས་པ་ལ་ཡང་གནས་པར་མ་བྱེད་ཅིག། དེ་དག་གིས་གསོལ་པ་། བཅོམ་ལྡན་འདས་ཇི་ལྟར
178a6 ན་བྱང་ཆུབ་སེམས་དཔའ་རྣམས་མྱ་ངན་ལས་འདས་པའི་བསམ་པ་ཅན་དང་། འཁོར་བར་སྦྱོར་བ་ཅན་ལགས། ཇི་ལྟར་འཁོར་བ་དང་མྱ་ངན་ལས་འདས་པ་ལ་ཡང་མི་གནས་པ་ལགས། བཅོམ
178a7 ལྡན་འདས་ཀྱིས་བཀའ་སྩལ་པ། འཆི་བ་མེད་པའི་བདེ་བ་ལ་རེག་པར་བྱ་བའི་ཕྱིར་མྱ་ངན་ལས་འདས་པའི་བསམ་པ་ཅན་ཡིན། དགེ་བའི་རྩ་བ་བསགས་པའི་ཕྱིར་འཁོར་བར་སྦྱོར་བ་ཅན་ཡིན།།
iiif viewer powered by OpenSeadragon
