| e-texts navigator |
| Wylie |
176a1 དུ་བུད་མེད་ཐོབ་པར་མི་འགྱུར་ཏེ། གཞན་དུ་ན་བདག་ཉིད་ཀྱིས་འདོད་པ་ནི་མ་གཏོགས་སོ།། གཞན་ཡང་ཡུལ་གང་དུ་བཟོད་པ་འདི་འཆད་པར་འགྱུར་བ་དག་ན་གཞན་གྱི
176a2 འཁོར་དང་། ནང་གྱི་འཁོར་གྱིས་ཡུལ་ལ་གནོད་པར་མི་འགྱུར་རོ།། ཆར་མི་འབབ་པ་དང་། མུ་གེ་འབྱུང་བ་དང་། དུས་མ་ཡིན་པའི་རླུང་དང་། ཆར་དང་། གྲང་དྲོ་དང་། ཤ་སྦྲང་དང་།
176a3 སྦྲང་བུ་མཆུ་སྨྱུང་དང་། སྦྲང་མ་དང་། བྱི་བ་དང་། འགྲོ་བ་ཁྲོ་བོ་དང་། སྦྲུལ་ཁྲོ་བོ་དང་། གཅན་གཟན་ཁྲོ་བོ་དང་། རོ་བྲོ་བ་མེད་པ་དང་། རྩུབ་པ་དང་སྲེད་མོ་དང་། མི་བདེ་བར་རེག་པ་དང་།
176a4 བཟའ་བ་དང་། བཏུང་བ་དང་། གོས་དང་། ལྕགས་སྒྲོག་དང་། ཤིང་སྒྲོག་དང་། དབྱིགས་པ་དང་། གཤེ་བ་དང་། མི་སྙན་པར་ཟེར་བ་དང་། བརྡེག་པ་དང་། དུས་མ་ཡིན་པའི་འཆི་བ་དང་།
176a5 ནད་ཀྱི་གནོད་པ་ཡུལ་དེ་ན་མེད་པར་འགྱུར་རོ།། ལྷ་དང་ཀླུ་དང་། གནོད་སྦྱིན་དང་། ལཱ་མ་ཡོན་དང་། ནམ་མཁའ་ལྡིང་དག་གིས་ཀྱང་ཡུལ་དེ་ཤིན་ཏུ་བསྲུང་ཞིང་བསྐྱབ་པར་འགྱུར་རོ།། རིགས་ཀྱི
176a6 བུ་དག་ཡུལ་གང་དུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་འཆད་ཅིང་སྟོན་པར་འགྱུར་བའི་ཡུལ་དེར་གནོད་པ་བཅུ་པོ་དེ་དག་གིས་ཡུལ་ཐམས་ཅད་མི
176a7 བར་འགྱུར་རོ།། དེ་ཅིའི་ཕྱིར་ཞེ་ན། རིགས་ཀྱི་བུ་བཟོད་པ་འདི་ནི། བྱང་ཆུབ་སེམས་དཔའ་ཐམས་ཅད་ཀྱི་བྱང་ཆུབ་ཀྱི་སྤྱོད་པ་མཐའ་དག་ཡོངས་སུ་རྫོགས་པར་བྱེད་པ། ཕ་རོལ་ཏུ་ཕྱིན་པ་དྲུག
iiif viewer powered by OpenSeadragon
