| e-texts navigator |
| Wylie |
174a1 ཏེ། མ་མཆིས་པའི་དུས་ན་སླར་ཞིང་སངས་རྒྱས་ཀྱི་ཞིང་ཡོངས་སུ་དག་པའི་བྱང་ཆུབ་ཀྱི་སྤྱད་པ་སྤྱོད་པར་མི་འགྱིད་ངོ་དོ།། སྨོན་ལམ་གྱི་དབང་གིས་བདག་ཅག་རྣམས་ཡོད།
174a2 སུ་མ་དག་པ་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དུ་སྤྱད་པ་སྤྱོད་པར་བགྱིའོ།། དགེ་བའི་རྩ་བ་མ་མཆིས་པའི་སེམས་ཅན་ཐམས་ཅད་ཡོངས་སུ་སྨིན་པར་བགྱིའོ།། བཅོམ་ལྡན་འདས
174a3 ཀྱིས་བཀའ་སྩལ་པ། སྐྱེས་བུ་དམ་པ་དག་བརྩོན་འགྲུས་ཆེན་པོ་ལ་དམིགས་ཏེ། བྱང་ཆུབ་སེམས་དཔའ་གང་དེ་དག་དགེ་བའི་རྩ་བ་དང་བྲལ་བའི་སེམས་ཅན་ཐམས་ཅད་ཡོངས་སུ་སྨིན་པར
174a4 བྱེད་པ་ལེགས་སོ་ལེགས་སོ།། སྙིང་རྗེ་ཆེན་པོ་དང་ལྡན་ཞིང་ཕ་རོལ་ཏུ་ཕྱིན་པ་ཆེན་པོ་སྤྱོད་དེ་མངོན་པར་ཤེས་པ་དང་། བསྡུ་བའི་དངོས་པོ་ཆེན་པོ་ལ་གཞན་ལ་རག་ལས་ཤིང་ཡེ་ཤེས་ཆེན
174a5 པོའི་འབྱུང་གནས་དང་ལྡན་པ་དེ་དག་ནི། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཡོངས་སུ་མ་དག་ཅིང་ཉོན་མོངས་པ་རྙོག་པ་ལྔའི་སངས་རྒྱས་ཀྱི་ཞིང་དག་ཏུ་ཕ་རོལ་ཏུ་ཕྱིན
174a6 པ་དྲུག་སྤྱོད་ཅིང་། དགེ་བའི་རྩ་བ་ཐམས་ཅད་ཡོངས་སུ་ཉམས་པའི་སེམས་ཅན་རྣམས་དང་། སྡུག་བསྔལ་ཐམས་ཅད་ཀྱིས་ཉེན་པའི་སེམས་ཅན་རྣམས་ཡོངས་སུ་སྤྱོན་པའི་བྱེད་པ་དེ་དག
174a7 ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱའོ།། རིགས་ཀྱི་བུ་དེ་ལྟ་བས་ན། ཅི་ནས་ཀྱང་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདིས།
iiif viewer powered by OpenSeadragon
