| e-texts navigator |
| Wylie |
172b1 བུ་ཇི་ཙམ་དུ་བཟོད་པ་འདིའི་སྟོབས་དང་། བརྩོན་པ་ཡང་དག་པར་འཛིན་ཅིང་བརྩོན་པ་ལ་དམིགས་པ་དེ་ཙམ་དུ་སྐབས་དང་། བརྩོན་པ་ཡང་དག་པར་འཛིན་པ་ལ་བརྩོན་པར་དམིགས་པས་སངས
172b2 རྒྱས་ཀྱི་ཞིང་ཐམས་ཅད་དང་། གླིང་བཞི་པ་ཐམས་ཅད་དང་། ཡུལ་དང་། གྲོང་དང་། གྲོང་ཁྱེར་དང་། ལྗོངས་ཐམས་ཅད་དུ་སེམས་ཅན་རྣམས་ཡོངས་སུ་སྨིན་པར་བྱོས་ཤིག། རྒྱལ་པོ་ལ་མ
172b3 གཡོ་བར་བྱོས་ཤིག། བློན་པོ་དང་། ཞབས་འབྲིང་བ་རྣམས་ཀྱང་ཡལ་བར་མ་གཏང་ཤིག། རིགས་ཀྱི་བུ་གང་རྙོག་པ་ལྔའི་སངས་རྒྱས་ཀྱི་ཞིང་དུ་ད་ལྟར་ནས། ཆོས་ཀྱི་རྒྱལ་མཚན་འཕེལ་བར།
172b4 འགྱུར་གྱི་བར་དུ་སེམས་ཅན་ཡོངས་སུ་སྨིན་པར་བྱ་བ་ལ་མི་སྐྱོ་བར་སྤྲོ་ཞིང་། སྡིག་པ་འདོད་པ་ལོག་པར་ལྟ་བའི་སེམས་ཅན་རྣམས་དགེ་བ་བཅུའི་ལས་ཀྱི་ལམ་ལ་འཇུག་པ་དང་། རབ་ཏུ་འགོད
172b5 པ་དང་། ཉེས་པ་མང་བའི་ཤས་ཆེ་བའི་སེམས་ཅན་རྣམས་ཁྱིམ་གྱི་གནས་ནས་ཕྱུང་སྟེ། ཞི་བ་ཡང་དག་པར་འཛིན་དུ་འཇུག་ཅིང་སྦྱོར་བ་དང་། བསླབ་པའི་གནས་ལ་རབ་ཏུ་འགོད་པ་དང་།
172b6 ཉེས་པ་མང་པོས་ཉེན་ལ་ལུས་དང་ངག་དང་། ཡིད་སྡོམ་པའི་ཚུལ་ཅན་གྱི་སེམས་ཅན་རྣམས་བསམ་གཏན་དང་། རྣམ་པར་ཐར་པ་དང་། གཟུངས་དང་བཟོད་པ་ལ་སྦྱོར་ཞིང་སོ་སོར་འགོད་པ
172b7 དང་། དགོན་པ་བས་མཐའི་མལ་སྟན་ལ་མངོན་པར་དགའ་ལ། སེམས་ཅན་ཡང་དེ་ལ་སྦྱོར་ཞིང་དེ་དག་ཕན་པ་ལ་སྦྱོར་བ་དང་། སེར་སྣ་ཅན་རྣམས་སྦྱིན་པ་ལ་སྦྱོར་བ་ནས། འཆལ་པའི་ཤེས
iiif viewer powered by OpenSeadragon
