| e-texts navigator |
| Wylie |
96b1 ཤཱཀྱའི་རིགས་འདི་ནི་དག་ཅིང་རྣམ་པར་དག་ལ་བསམ་གྱིས་མི་ཁྱབ་བོ།། ཤཱཀྱའི་རིགས་ཀྱི་ནང་ན་ནི་ཚུལ་ཁྲིམས་འཆལ་བ་འགའ་ཙམ་ཡང་མེད་དེ་མི་སྲིད་དོ།། དེ་བཞིན་གཤེགས་པ་ནི་འབྲས་བུ་ཡོད་པའི།
96b2 ཆོས་སྟོན་པ་ཡིན་ནོ།། དེ་བཞིན་གཤེགས་པ་ནི་ཙན་ངན་དང་། བཻཌཱུཪྻ་ལྟ་བུའི་འཁོར་དང་ལྡན་པ་ཡིན་ནོ།། དེ་བཞིན་གཤེགས་པ་ནི་མི་ཕྱེད་པའི་འཁོར་དང་ལྡན་པ་ཡིན་ནོ།། དེ་བཞིན་གཤེགས་པ་ནི
96b3 སེང་གེའི་རིགས་ཀྱི་རྒྱལ་པོ་ཆེན་པོ་དང་། སྟག་ལྟ་བུའི་འཁོར་དང་ལྡན་པ་ཡིན་ནོ།། དེ་བཞིན་གཤེགས་པ་ནི་ཉན་ཐོས་དང་རང་སངས་རྒྱས་ཐམས་ཅད་ཀྱི་ཡུལ་བསམ་གྱིས་མི་ཁྱབ་པའི་འཁོར་དང་ལྡན་པ
96b4 ཡིན་ནོ།། དེ་བཞིན་གཤེགས་པའི་འཁོར་ནི་མ་མདག་ཐལ་བས་གཡོགས་པ་ལྟ་བུར་བལྟའོ།། དེ་བཞིན་གཤེགས་པ་ནི་བླ་ན་མེད་པའོ།། དེ་བཞིན་གཤེགས་པ་ནི་ཐམས་ཅད་མཁྱེན་པའོ།། དེ་བཞིན་གཤེགས
96b5 པ་ནི་ཐམས་ཅད་མཁྱེན་པ་ཉིད་དོ།། དེ་བཞིན་གཤེགས་པ་ལས་རབ་ཏུ་བྱུང་བའི་སེམས་ཅན་རྣམས་ལ་ནི་ཚུལ་ཁྲིམས་འཆལ་པ་མི་སྲིད་དེ། དེ་དག་ཐམས་ཅད་ནི་ཡུལ་ཟབ་མོ་ཤེས་པ་ཐམས་ཅད་ལ་རབ་ཏུ
96b6 འགོད་པ་ཤ་སྟག་སྟེ། དེའི་ཕྱིར་ཡང་དེ་བཞིན་གཤེགས་པ་ནི་ཐམས་ཅད་མཁྱེན་པ་ཉིད་དོ།། བྲམ་ཟེ་ཆེན་པོ་དགེ་འདུན་ནི། བདུད་བྱེ་བ་ཕྲག་བརྒྱ་སྟོང་གིས་ཀྱང་དབྱེ་བར་མི་ནུས་ཏེ། འདི་ནི་ཐབས་ཡིན་པར
96b7 བལྟ་བར་བྱའོ།། ལྷ་སྦྱིན་དྲུག་སྡེ་དང་བཅས་པ་ནི་དགེ་འདུན་གྱི་དབྱེར་བྱེད་པ་ཡང་མ་ཡིན་ནོ།། ལྷ་སྦྱིན་དྲུག་སྡེ་དང་བཅས་པ་ནི་ཤཱཀྱའི་རིགས་སྟོན་པ་ཡིན་ནོ།། སྐྱེ་བོ་ཕལ་པ་ཡང་དུད་འཐོར་སྐྱེ་བར་འགྱུར་བ
iiif viewer powered by OpenSeadragon
