| e-texts navigator |
| Wylie |
95a1 མོས་བསྐྱེད་པར་ཡང་མི་འགྱུར་རོ།། སེམས་ཅན་རྣམས་སྐྱོ་བ་ལ་དགོད་པའི་ཕྱིར། གཉིད་ལོག་པའི་བྱ་བ་ཐམས་ཅད་ཀྱང་ཡང་དག་པར་སྟོན་ཏོ།། བདུད་ཀྱི་ཡུལ་ཐམས་ཅད་ཡང།
95a2 དག་པར་སྟོན་ཀྱང་བདུད་ཀྱི་ལས་ལ་གནས་པར་ཡང་མི་འགྱུར་རོ།། འཇིག་རྟེན་པ་དང་འཇིག་རྟེན་ལས་འདས་པའི་བྱ་བ་ཐམས་ཅད་ལ་ཡང་སྣང་ལ་རྟག་ཏུ་ཡང་ཆོས་ཀྱི་ཀུན་དགའ་ལ་དགའ་བས་དགའ་བར་བྱེད་དེ།།
95a3 པདྨ་བཞིན་དུ་གོས་པ་མེད་པར་འགྱུར་རོ།། སྤྲིན་ཆེན་སྙིང་པོ་ཟབ་མོ་བརྟན་པའི་རུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་ལ་ལྟོས། བམ་པོ་བདུན་པ།
95a4 དེ་ནས་དེའི་ཚེ། འཁོར་ཆེན་པོའི་ནང་ནས་སློབ་དཔོན་ལུང་སྟོན་པ་བྲམ་ཟེ་ཀོའུ་དི་ནྱ་ཞེས་བྱ་བས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱེ་མ་ལྷ་སྦྱིན་དྲུག་སྡེ་དང
95a5 བཅས་པ་ན་ཚིག་གི་དར་ཕྲ་ཞིང་ཟ་བ་ལ་སེམས་ཅན་ཐམས་ཅད་ལ་ཕན་པར་སྤྱོད་པ་འདི་ལྟ་བུ་ལ་རྒྱབ་ཀྱིས་ཕྱོགས་པ་ལགས་སོ།། ཀྱེ་མ་ལྷ་སྦྱིན་ནི་བྱས་པ་མི་གཟོ་བ་ལགས་སོ།། ཀྱེ་མ་ལྷ་སྦྱིན་ནི་སྡིག་པ
95a6 འདོད་པ་ལགས་སོ།། ལྷ་སྦྱིན་ནི་དེ་བཞིན་གཤེགས་པ་ལ་ཁྲག་འབྱིན་པ་ལགས་སོ།། ཀྱེ་མ་ལྷ་སྦྱིན་དྲུག་སྡེ་དང་བཅས་པ་ནི་དགེ་འདུན་གྱི་དབྱེན་བགྱིད་པ་ལགས་སོ།། ཀྱེ་མ་ལྷ་སྦྱིན་དྲུག་སྔ
95a7 དང་བཅས་པ་ནི་ཤཱཀྱའི་རིགས་ཀྱིས་དྲེགས་པ་ལགས་སོ།། ཀྱེ་མ་མི་མ་ལགས་པར་འགྱུར་བར་འོས་པ་དང་། དུད་འགྲོའི་སྐྱེ་གནས་དང་ཕྲད་པར་འགྱུར་བ་ཡོངས་སུ་སྤྱོད་པ་ལགས་སོ།། ཀྱེ་མ
iiif viewer powered by OpenSeadragon
