| e-texts navigator |
| Wylie |
84b1 རྣམ་པའི་མཚམས་བཟང་པོའི་གནས་ཞེས་བྱ་བའི་ཆོས་ཀྱི་སྒོ་དང་། རྟག་ཏུ་རབ་ཏུ་དགའ་བ་རྒྱས་པའི་གནས་ཞེས་བྱ་བའི་ཆོས་ཀྱི་སྒོ་དང་། གཞི་ནས་སྐྱེས་པའི་སྟོབས་ཀྱི་གནས་ཞེས་བྱ་བའི་ཆོས་ཀྱི
84b2 སྒོ་དང་། སྙིང་རྗེའི་སྟོབས་ཀྱི་གནས་ཞེས་བྱ་བའི་ཆོས་ཀྱི་སྒོ་དང་། བཟོད་པ་ལ་ངེས་པར་གནས་པ་ཞེས་བྱ་བའི་ཆོས་ཀྱི་སྒོ་དང་། རྟག་ཏུ་གཙང་བའི་གནས་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེདང།
84b3 ནི་གནས་ཀྱི་རྣམ་པ་དང་བཅས་པ་ཡངས་པ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷ་མོ་རིན་པོ་ཆེའི་རིགས་ཀྱི་འོད་ཅེས་བྱ་བས། བཅོམ་ལྡན་འདས་ལ་མཆོད
84b4 པ་བྱས་ནས་ཚིགས་སུ་བཅད་པ་འདི་དག་སྨྲས་སོ།། དེ་བཞིན་གཤེགས་པ་ཡེ་ཤེས་སྐུ།། ཡེ་ཤེས་ཡོན་ཏན་འབྱུང་གནས་མཛེས།། སེམས་ཅན་རྣམས་ལ་སྨན་སླད་དུ།། ཆོས
84b5 རྣམས་སྣ་ཚོགས་སྟོན་པ་མཛད།། གནས་ཀྱི་རྣམ་པ་དང་བཅས་པ་ཡངས་པའི་ཆོས་ཀྱི་སྒོའི་གླེང་གཞིའི་ལེའུ་ཞེས་བྱ་སྟེ་ཉི་ཤུ་བདུན་པའོ།། ། སྤྲིན་ཆེན་སྙིང་པོས་གསོལ་པ
84b6 ལྷག་པའི་བསམ་པའི་ཆོག་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། མཚམས་བཟང་པོ་ལ་གནས་པ་ཞེས་བྱ་བ
84b7 ཆོས་ཀྱི་སྒོ་དང་། ལྷག་པའི་བསམ་པའི་ཆོ་ག་ཤེས་པའི་རྒྱ་མཚོའི་ཕྱག་རྒྱ་ཞེས་བྱ་བའི་ཆོས་ཀྱི་སྒོ་དང་། ཡེ་ཤེས་ཀྱི་དུས་ཚོད་ཅེས་བྱ་བའི་ཆོས་ཀྱི་སྒོ་དང་། འགྲོ་བའི་དུས་ཚོད་ཀྱི་ཆོ་འཕྲུལ་གྱི་ལྷག
iiif viewer powered by OpenSeadragon
