| e-texts navigator |
| Wylie |
83b1 ཆོས་ཀྱི་སྒོ་དང་། དགའ་བའི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་དང་། བཏང་སྙོམས་ཀྱི་སྟོབས་འཛག་པ་བཀོད་པ་ཞེས་བྱ་བའི་ཆོས་ཀྱི་སྒོ་ན། བཅུ་པོ་དེ་དག་ནི་སྒྲ་ཆེན་པོའི་དུས་རྣམ་པར་བསྒྲ
83b2 པ་བཀོད་པའི་རྒྱལ་པོ་ཞེས་བྱ་བའི་ཆོས་ཀྱི་སྒོ་ཡིན་ནོ།། དེ་ནས་དེའི་ཚེ། ལྷའི་བུ་རིན་ཆེན་དཔལ་ཞེས་བྱ་བས། བཅོམ་ལྡན་འདས་ལ་མཆོད་པ་བྱས་ནས། ཚོགས་སུ་བཅད་པ་འདི་དག་སྦས
83b3 སོ།། དེ་བཞིན་གཤེགས་རྒྱལ་མི་ཕྱེད་སྐུ་མངའ་བ།། མཐའ་ཡས་སྟོབས་ལྡན་ཁྱོད་ལ་རྟག་ཕྱག་འཚལ།། སེམས་ཅན་རྣམས་ལ་ཕན་པ་མཛད་སླད་དུ།། བཀོད་པ་རྣམ་པ་སྣ་ཚོགས་སྟོན་པ་མཛད།། སྒྲ
83b4 ཆེན་པོའི་དུས་རྣམ་པར་བསྒྲགས་པ་བཀོད་པའི་རྒྱལ་པོའི་གླིང་གཞིའི་ལེའུ་ཞེས་བྱ་སྟེ་ཉི་ཤུ་ལྔ་པའོ།། སྤྲིན་ཆེན་སྙིང་པོས་གསོལ་པ། མི་འཇིགས་པ་ཆེན་པོའི་སྟོབས་ཀྱི་རྣམ་པར་འཝ
83b5 པ་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྒྱ་མཚོའི་སྟོབས་ཀྱི་དུས་ལ་མི་འཇིགས་པའི་སྟོབས་ཀྱི་རྣམ་པར
83b6 འཕྲུལ་པ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། འཇིགས་པ་མེད་པའི་རྣམ་པའི་རྩ་བ་ལ་དགའ་བ་ཞེས་བྱ་བའི་ཆོས་ཀྱི་སྒོ་དང་། མཁས་པའི་རིན་པོ་ཆེའི་མཛོད་ཅེས་བྱ་བའི་ཆོས་ཀྱི་སྒོ་དང་། མཁས་པའི
83b7 དཔལ་གྱི་ལུས་ཞེས་བྱ་བའི་ཆོས་ཀྱི་སྒོ་དང་། མཁས་པ་གཙང་སྦྲ་ལ་དགའ་བ་ཞེས་བྱ་བའི་ཆོས་ཀྱི་སྒོ་དང་། མཁས་པའི་གཟི་བརྗིད་ཀྱི་རྒྱན་གྱིས་བརྒྱན་པ་ལ་འཇུག་པའི་སྟོབས་ཞེས་བྱ་བའི་ཆོས་ཀྱི་སྒོ་དང
iiif viewer powered by OpenSeadragon
