| e-texts navigator |
| Wylie |
82a1 དྲུག་པ། སྤྲིན་ཆེན་སྙིང་པོས་གསོལ་པ། མངོན་པར་རྩེ་བའི་རིན་པོ་ཆེའི་མཛད་ལ་འཇུག་པ་ཞེས་བགྱི་བའི་ཆོས་ཀྱི་སྒོ་བཅུ། བཅོམ་ལྡན་འདས་ཀྱིས
82a2 བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཉི་མ་འཆར་ཀའི་གཙུག་ཕུད་ཅེས་བྱ་བའི་ཆོས་ཀྱི་སྒོ་དང་། སྙིང་པོ་སྔ་པ་ལ་རྒྱ་ཆེར་རྩེ་བས་མངོན་པར་རྒྱགས་པ་ཞེས་བྱ་བའི་ཆོས་ཀྱི་སྒོ་དང་།
82a3 ཡོན་ཏན་རིན་པོ་ཆེའི་མཛོད་མངོན་དུ་འབྱུང་བ་ཞེས་བྱ་བའི་ཆོས་ཀྱི་སྒོ་དང་། ཚུལ་གྱི་མཚམས་བཟང་པོས་མངོན་པར་རྩེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཆུའི་དུས་ལ་ཞུགས་པའི་སྟོབས་མི
82a4 འཇིགས་པར་བྱ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། ཙན་ངན་གྱི་སྟོབས་ཀྱི་བདེ་བསིལ་ལ་མངོན་པར་རྩེ་བ་ལ་འཇུག་པ་ཞེས་བྱ་བའི་ཆོས་ཀྱི་སྒོ་དང་། མིག་མི་འཛུམས་པར་སྨྲ་བ་ཞེས་བྱ་བའི
82a5 ཆོས་ཀྱི་སྒོ་དང་། ཀུ་མུད་དང་དྲ་བ་ལྟ་བུའི་ཆུ་དང་ལྡན་པ་ལ་མངོན་པར་རྩེ་བ་ཞེས་བྱ་བའི་ཆོས་ཀྱི་སྒོ་དང་། སྦྲུལ་པོ་ཊ་ལ་སོགས་པའི་ལུས་ལ་མངོན་པར་འདོད་པ་ལ་འཇུག་པ་ཞེས་བྱ་བའི་ཆོས་པ་སྒོ་དང་།
82a6 བསྔགས་པར་བྱ་བ་ཤིན་ཏུ་མང་བ་ལ་མངོན་པར་འཇུག་པ་ཞེས་བྱ་བའི་ཆོས་ཀྱི་སྒོ་སྟེ། བཅུ་པོ་དེ་དག་ནི་མངོན་པར་རྩེ་བའི་རིན་པོ་ཆེའི་མཛོད་ལ་འཇུག་པ་ཞེས་བྱ་བའི་ཆོས་ཀྱི་སྒོ་ཡིན་ནོ།།
82a7 དེ་ནས་དེའི་ཚེ། ལྷའི་བུ་རིགས་བཙུན་པ་རྣམ་པར་དག་པ་ཞེས་བྱ་བས། བཅོམ་ལྡན་འདས་ལ་མཆོད་འབྱས་ནས། ཚིགས་སུ་བཅད་པ་འདི་དག་སྨོས་སོ།། འཇིག་རྟེན་གསུམ་གྱི་ཆོས
iiif viewer powered by OpenSeadragon
