| e-texts navigator |
| Wylie |
72b1 བཅོམ་ལྡན་འདས་ལ་མཆོད་པའི་ལས་བྱས་ནས། ཚིགས་སུ་བཅད་པ་འདི་དབ་སྨྲས་སོ།། མ་སྐྱེས་ཁྱོད་ལ་ཕྱག་འཚལ་ལོ།། དེ་བཞིན་གཤེགས་པ་ཐབས་ཀྱི་སྐུ།། སྲིད་པར་སྐྱེ་བ་སྣ་ཚོགས་པ
72b2 དྲི་མེད་ཐམས་ཅད་ཐུབ་པས་བསྟན།། དཔའ་བོ་ཆེན་པོ་རྟག་པའི་སྐུ།། སྲིད་པའི་དགྱེས་པ་རྒྱ་མཚོ་མངའ།། བྲོས་པ་མེད་པའི་དེ་བཞིན་གཤེགས།། འཁོར་བ་དག་ནི་དགེ་བར་བཀོད།། སྲིད་པར
72b3 སྐྱེ་བའི་གླེང་གཞིའི་ལེའུ་ཞེས་བྱ་སྟེ་ལྔ་པའོ།། ། སྤྲིན་ཆེར་སྙིང་པོས་གསོལ་པ། འཁོར་བའི་ཉོན་མོངས་པའི་ཞིང་གི་ལས་ཀྱིས་ཐོབ་པར་བགྱི་བའི་སླད་དུ་སེམས་ཀྱིས་ཡོད
72b4 དག་པར་ལེན་པའི་རྣམ་པར་གྲོལ་བའི་སྨོན་ལམ་གསང་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ་དེ་བཞིན་གཤེགས་པས་བཤད་དུ་གསོལ། བཅོམ
72b5 ལྡན་འདས་ཀྱིས་བཀའ་སྩལ་པ། འཁོར་བའི་ཉོན་མོངས་པའི་ཞིང་གི་འབྲས་བུ་ཐོབ་པ་ཞེས་བྱ་བ་དང་། འཁོར་བའི་ཉོན་མོངས་པའི་ཞིང་ལ་དགའ་བའི་རྒྱལ་པོ་ཞེས་བྱ་བ་དང་། འཁོར་བའི་སྦྱོར་བ
72b6 ལ་སེམས་གནས་པ་ཞེས་བྱ་བ་དང་། འཁོར་བ་ལ་མཆོག་ཏུ་དགའ་བའི་གཟུངས་ཞེས་བྱ་བ་དང་། འཁོར་བར་འགྲོ་བ་ཞེས་བྱ་བ་དང་། འཁོར་བར་ཤིན་ཏུ་ཆར་འབེབས་པ་ཞེས་བྱ་བ་དང་། འཁོར་བར་རྒྱུན
72b7 མི་གཅོད་པའི་རླུང་གི་རྒྱལ་པོ་ཞེས་བྱ་བ་དང་། འཁོར་བའི་ཆོམ་རྐུན་ཞེས་བྱ་བ་དང་། འཁོར་བའི་རྩ་བའི་ཡུལ་དྲི་མ་མེད་པ་ཞེས་བྱ་བ་དང་། འཁོར་བ་ན་ཡུན་རིང་དུ་གནས་པ་རྣམས་ལ་སྣང་བར་བྱེད་པ་ཞེས་བྱ་བ།
iiif viewer powered by OpenSeadragon
