| e-texts navigator |
| Wylie |
71b1 རྡུལ་ཅིང་རབ་ཏུ་རྡུལ་ལ་ཤིན་ཏུ་རྣོ་བ་ཞེས་བྱ་བ་དང་། གཅོད་ཅིང་འབྱེར་ལ་ཤིན་ཏུ་སྙིང་བརྩེ་བ་ཞེས་བྱ་བ་དང་། བརྦང་ཞིང་ཤིན་ཏུ་སྡིག་བྱེད་ལ་བྱམས་པ་ལ་སོགས་པ་དང་ལྡན་པ་ཞེས་བྱ་བ་དང
71b2 སྦྱིན་པ་ལ་སྨོད་ཅིང་རབ་ཏུ་སྨོད་ལ་སྦྱིན་པ་ལ་སྔགས་པར་བྱེད་པ་ཞེས་བྱ་བ་དང་། སྨད་ཅིང་ཤིན་ཏུ་སྨད་ལ་སླད་དུ་མེད་པ་ཞེས་བྱ་བ་དང་། རྟག་ཏུ་བདག་སྟོད་ཅིང་གཞན་སྨོད་ལ་ལས་ཀྱང་རྣམ
71b3 བར་དག་པར་ཞེས་བྱ་བ་དང་། ཆགས་ཤིང་རབ་ཏུ་ཆགས་ལ་ཆགས་པ་མེད་པ་ཞེས་བྱ་བ་དང་། མི་མཉམ་ཞིང་ཤིན་ཏུ་མི་མཉམ་ལ་མི་མཉམ་པ་ཡང་མ་ཡིན་པ་ཞེས་བྱ་བ་དང་། སྡུག་བསྔལ་ཞིང
71b4 མི་བདེ་ལ་བདེ་བ་ཞེས་བྱ་བ་དང་། སྟོང་ཞིང་ཤིན་ཏུ་སྟེང་ལ་སྟོང་པ་མ་ཡིན་ཞེས་བྱ་བ་དང་། མི་རྟག་ཅིང་ཤིན་ཏུ་མི་རྟག་ལ་ཤིན་ཏུ་རྟག་པ་ཞེས་བྱ་བ་དང་། བདག་མེད་པར་གྱུར་ལ་ཤིན་ཏུ་བདག་ཉིད་དུ་གྱུར་པ
71b5 ཞེས་བྱ་བ་དང་། མི་སྡུག་ཅིང་ཤིན་ཏུ་མི་སྡུག་ལ་ཤིན་ཏུ་སྡུག་པ་ཞེས་བྱ་བ་ཡོད་དེ། ཉི་ཤུ་རྩ་གསུམ་པོ་དེ་དག་ནི་ལྡེམ་པོ་ངག་གི་གཞིའི་བྱེ་བྲག་ལ་འཇུག་པ་ལ་རྨོངས་པའི་ཚུལ་ཅན་གྱི་ཆོས་ཀྱི་ཐབས་ཀྱི
71b6 རྒྱུན་གྱི་རྣམ་པར་ཐར་པའི་སྒོ་ཡིན་ནོ།། དེ་ནས་དེའི་ཆེ་འཁོར་ཆེན་པོའི་ནང་ནས་ལྷའི་བུ་སྐྱེ་བོ་ཐམས་ཅད་དགའ་བ་ཞེས་བྱ་བས། བཅོམ་ལྡན་འདས་ལ་ལྷའི་མཆོད་པ་ཆེན་པོ་བྱས
71b7 ནས་ཚིགས་སུ་བཅད་པ་འདི་དག་སྨྲས་སོ།། ཀྱེ་མ་དང་ནི་ཉན་ཐོས་ཀུན། མྱོས་པར་བྱེད་པའོ་རྒྱུ་ཆེན་བྱུང་། སེམས་ཅན་རྣམས་ལ་སྨན་སླད་དུ། ལྷ་ཆེན་མཐའ་ཡས་གཟུངས་མངའ
iiif viewer powered by OpenSeadragon
