| e-texts navigator |
| Wylie |
66a1 བྱམས་པ་ལ་གནས་པར་ཡང་འགྱུར་རོ།། སྙིང་རྗེ་ལ་གནས་པར་ཡང་འགྱུར་རོ།། དགའ་བ་ལ་གནས་པར་ཡང་འགྱུར་རོ།། བཏང་སྙོམས་ལ་གནས་པར་ཡང་འགྱུར་རོ།། སྟོང
66a2 པའི་ཆོས་རྣམས་ལ་སྟོང་པར་སྨྲ་བར་ཡང་འགྱུར་རོ།། སྟོང་པ་མ་ཡིན་པའི་ཆོས་རྣམས་ལ་སྟོང་པ་མ་ཡིན་པར་སྨྲ་བར་ཡང་འགྱུར་རོ།། སངས་རྒྱས་ཀྱི་ཆོས་ཀྱི་ངན་རྟགས་སྨྲ་བར་ཡང་འགྱུར་རོ།། སངས་རྒྱས
66a3 ཀྱི་དེ་ཁོ་ནའི་ཆོས་ཀྱི་ལྟ་བ་སྨྲ་བར་ཡང་འགྱུར་རོ།། གཙང་བར་ཡང་འགྱུར་རོ།། གཙང་མས་ཕྱུག་པར་ཡང་འགྱུར་རོ།། ཡོན་ཏན་གྱིས་ཕྱུག་པར་ཡང་འགྱུར་རོ།། ཚུལ་ཁྲིམས་ཀྱིས་ཕྱུག་པར་ཡང་འགྱུར་རོ།
66a4 ཆོས་ཀྱིས་ཕྱུབ་པར་ཡང་འགྱུར་རོ།། དབྲོག་ཏུ་མེད་པའི་རྫས་ཀྱིས་ཕྱུག་པར་ཡང་འགྱུར་རོ།། སྐྱེ་བོ་དབུལ་པོ་སློང་བ་ལ་སོགས་པ་ལ་གཏེར་ལྟ་བུར་ཡང་འགྱུར་རོ།། སྟོང་པ་ཉིད་དང་མཚན་མ་མང
66a5 པ་དང་། སྨོན་པ་མེད་པའི་ཆོས་རྣམས་སྟོན་པ་ན་མི་སྐྲག་མི་དང་ཞིང་དངང་བར་ཡང་མི་འགྱུར་རོ།། སངས་རྒྱས་ཀྱི་ཞིང་གང་དང་གང་དུ་སྐྱེ་བར་ཡང་སེམས་བསྐྱེད་པ་དེ་དང་དེ་ན་སྐྱེ་བར་ཡང་འགྱུར་རོ།།
66a6 རྙེད་པ་དང་བཀུར་སྟི་དང་ཚིགས་སུ་བཅད་པ་དོན་དུ་མི་གཉེར་བར་ཡང་འགྱུར་རོ།། ཚུལ་ཁྲིམས་འཆལ་པ་རྣམས་བསྡུས་ནས་དམ་པའི་ཆོས་ལ་འགོད་པར་ཡང་འགྱུར་རོ།། ཚུལ་ཁྲིམས་འཆལ་པ་གཡོ
66a7 སྒྱུ་དང་ལྡན་པ་རྣམས་ལ་ཐོབ་ཏོག་ལྟ་བུར་ཡང་འགྱུར་རོ།། དེ་བཞིན་གཤེགས་པ་ལ་བྱས་པ་མི་བཟོ་བ་རྣམས་བྱས་པ་གཟོ་བ་ལ་ཡང་དག་པར་སྦྱོར་བར་ཡང་འགྱུར་རོ།། མུ་སྟེགས་ཅན་གྱི་གནས
iiif viewer powered by OpenSeadragon
