| e-texts navigator |
| Wylie |
15a1 པ་དེ་དག་ཐམས་ཅད་རྒྱལ་པོའི་ཁབ་དང་། བྱ་རྒོད་ཀྱི་ཕུང་པོའི་རི་ག་ལ་བ་དེར་དོང་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ། མངོན་པར་མཛད་དོ།། དེར་བྱིན།
15a2 ནས་ཀྱང་བཅོམ་ལྡན་འདས་ག་ལ་བ་དེར་དོང་སྟེ་ལྤགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན
15a3 འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུ་དང། ཕྱོགས་གཅིག་ཏུ་འཁོད་ངོ་།། ཡང་དེའི་ཚེ་ནམ་མཁའ་ལས་སིལ་སྙན་སྟོང་གི་གླུ་དབྱངས་ལྟ་བུ་མཐུན་པ་དང་། མི་མཐུན་པའི་སྒྲ
15a4 མངོན་པར་གྲག་སྟེ། སྟང་ཟིལ་གྱི་རི་ལྟ་བུར་འདུག་པའི་སྤྲིན་ཆེན་པོའི་ཚོགས། ལྷའི་རིན་པོ་ཆེའི་ཆུས་ཡོངས་སུ་རྒྱས་པ་དག་ཀྱང་། བཅོམ་ལྡན་འདས་སེང་གེའི་སྒྲ་ཆེན་པོ་སྔོགས་ཤིང་ཆོས་སྟོན་པ
15a5 ནོར་པའི་ཕྱིར་སྡོང་ངོ་།། ཡང་དེའི་ཚེ་རླུང་གི་རྒྱལ་པོ་ཆེན་པོ་བཞི་ལ་འདི་ལྟ་སྟེ། རླུང་གི་རྒྱལ་པོ་ཆེན་པོ་རྣམ་པར་འཐོར་དྲུང་ཞེས་བྱ་བ་དང་། རླུང་གི་རྒྱལ་པོ་ཆེན་པོ་རྣམ་པར་འཐོར་རླུང
15a6 ཆེན་པོ་ཞེས་བྱ་བ་དང་། རླུང་གི་རྒྱལ་པོ་ཆེན་པོ་ཤུགས་མཉམ་པ་ཞེས་བྱ་བ་དང་། རླུང་གི་རྒྱལ་པོ་ཆེན་པོ་འཇིགས་བྱེད་ཆེན་པོ་ཞེས་བྱ་བ་རྣམས་ལྔའི་བདེ་བའི་ལོངས་སྤྱོད་དང་། ཡོངས་སུ་སྤྱད་པའི་དུས
15a7 ཚོགས་དྲུག་གི་བདེ་ཞིང་གསལ་བའི་མེ་ཏོག་དང་། རྣམ་པར་འདྲེས་པའི་དྲི་བསུང་ཞིམ་པོའི་ངང་གཏོང་ཞིང་། རླུང་གི་རྒྱལ་པོ་ཆེན་པོ་རྣམས་ཀྱིས། བཅོམ་ལྡན་འདས་ལ་སྲི་ཞུ་བྱ་བའི་ཕྱིར།
iiif viewer powered by OpenSeadragon
