| e-texts navigator |
| Wylie |
157a1 ཆགས་ཀྱིས་ནོན་ནས་རྣམ་པར་སེམས་པར་གྱུར་ཏེ། དེ་ནས་དེ་སྡུག་བསྔལ་ཞིང་འདི་སྙམ་སེམས་སོ།། འཇིག་རྟེན་ཐམས་ཅད་ཀྱིས་བལྟ་ན་སྡུག་པ་བདེ་བའི་བར་ཆད་བྱེད་པ་དེ།
157a2 ཤིའང་སྨྲས། བུད་མེད་གང་གིས་ཁྱོར་ཡང་མ་གྱུར་པར་ཐལ་བར་གྱུར་ཅིག་སྙམ་སྟེ། ལུས་ཀུན་རང་གི་སེན་མོས་དྲལ་ནས་ན་ཞིང་མི་བདེ་སྟེ། ལུས་མི་སྡུག་པར་བཅོས་ནས། བུད་མེད་དེས་གཡོ་སྦྱར་ཏེ།
157a3 ཁྱིམ་གཉིས་ཀྱི་བར་གྱི་གདུང་མ་ལ་གྱེན་དུ་བཅིངས་ནས་བཏགས་སོ།། དེ་ནས་དེའི་ཚེ་སློབ་དཔོན་ནོར་བུ་བཟང་པོ་རྒྱལ་པོས་མཆོད་ནས་སླར་རང་གི་ཁྱིམ་དུ་འོངས་པ་དང་། དེས་མཐོང་ངོ་།། མཐོང་ནས་དེའི
157a4 ཐག་པ་བཅད་དེ། ཨེ་མའོ་ཞེས་སྐད་དྲག་ཏུ་ཕྱུང་ནས་རང་གི་ཆུང་མ་ལ་འདི་སྐད་ཅེས་སྨྲས་སོ།། བཟང་མོ་འདི་ཅི་སུས་ཁྱོད་འདི་ལྟ་བུར་བྱས། བཟང་མོས་སྨྲས་པ། ཁྱོད་ཀྱི་སློབ་མ་འཇིག་རྟེན་ཐམས
157a5 ཅད་ཀྱིས་བལྟ་ན་སྡུག་པས་ནན་གྱིས་ཁོ་མོ་ཉལ་པོ་བྱས་ནས་འདི་ལྟར་བྱས་སོ།། དེ་ནས་སློབ་དཔོན་ནོར་བུ་ཟང་པོས་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་དེའི་མཐུ་ཆེན་པོ་ཤེས་ཏེ། དེ་ཐོག་མ
157a6 བཙས་མ་ཐག་ཏུ་རྒྱལ་རིགས་ཐམས་ཅད་ཀྱི་མཚོན་རྣམས་ཤུབས་ནས་བྱུང་སྟེ། མངའ་སྟེའུ་ཁམ་བཞིན་དུ་ཐམས་ཅད་དུ་ལྷུང་ནས། དེའི་ཚེ་རྒྱལ་རིགས་ཐམས་ཅད་སྡུག་ཅིང་རབ་ཏུ་འཇིགས་པར་གྱུར་ཏེ།
157a7 འཇིག་རྟེན་ཐམས་ཅད་ཀྱིས་བལྟ་ན་སྡུག་པ་སེམས་ཅན་གྱི་མཆོག་དེའི་མཐུ་ཆེན་པོ་དེ་ལྟ་བུ་ཤེས་ནས། དེ་ལ་ཅུང་ཟད་བསྒོ་བ་ཙམ་ཞིག་ནུས་ཏེ། འཇིག་རྟེན་ཐམས་ཅད་ཀྱིས་བལྟ་ན་སྡུག་པ་དེ་ལ་འདི་སྐད་ཅེས
iiif viewer powered by OpenSeadragon
