| e-texts navigator |
| Wylie |
156a1 ལྷ་དང་ཀླུ་དང་། གནོད་སྦྱིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོའི་ཚོགས་མང་པོ་དང་། ཤ་ཟ་དང་། འབྱུང་པོའི་ཚོགས་དང་། ལྷའི་བུ་མོ་དང་། ཝ།
156a2 མ་ཡིན་གྱི་དབང་པོ་དང་། ཉི་མ་དང་། ལྷ་མ་ཡིན་དང་། སྲིན་པོ་དང་། འཇིག་རྟེན་སྐྱོང་བ་དང་། བདུད་ལ་སོགས་པ་ལ་སེམས་ཅན་ཐམས་ཅད་ངེས་པར་སྒྲོལ་བ་ཤིན་ཏུ་རྒྱས་པ་ཆེན་པོའི་མདོ་སྡེ་ཆེན་པོ
156a3 མཚོན་ཆ་ཐོགས་པ་ཞེས་བྱ་བ་སྟོན་ཏེ། ཐོག་མར་ཡང་དག་པབར་དུ་ཡང་དགེ་བ་ཐ་མར་ཡང་དགེ་བ། དོན་བཟང་པོ།། ཚིག་འབྲུ་བཟང་པོ།། མ་འདྲེས་པ། ཡོངས་སུ་རྫོགས་པ། ཡོངས་སུ་དག།
156a4 པ། ཡོངས་སུ་བཀར་བ། ཚངས་པར་སྤྱད་པ། ཡང་དག་པར་རབ་ཏུ་སྟོན་ཏོ།། གང་གི་ཚེ་མདོ་སྡེ་ཆེན་པོ་མཚོན་ཆ་ཐོགས་པ་མཐར་ཕྱིན་པར་གྱུར་པ་དེའི་ཚེ་། དེའི་དུས་ན་མཉན་དུ་ཡོད་པའི་གྲོང་ཁྱེར་ཆེན་པོ
156a5 ནས། བྱང་ཕྱོགས་ལོགས་སུ་རྒྱུད་མི་རིང་བ་ཞིག་ན། བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་ཞེས་བྱ་བ། རི་སྡིང་ཞེས་བྱ་བའི་གྲོང་ཁྱེར་ནས་སྐྱེས་པ། ཤིན་ཏུ་དབུལ་པོ།། བྲམ་ཟེ་མོ
156a6 བཟང་མོ་ཞེས་བྱ་བའི་བུ་ཕོས་བོར་བ་ལོ་བཅུ་གཉིས་ལོན་པ། གཟུགས་དང་། མདོག་དང་། སྟོབས་དང་། ཁ་དོག་དང་། དཔལ་ལ་ཕུན་སུམ་ཚོགས་པ། ཤིན་ཏུ་བལྟ་ན་སྡུག་པ། ཚིག་འཇམ་པ་ཞིག
156a7 ཡོད་དེ། སློབ་དཔོན་ནོར་བུ་བཟང་པོ།། རིག་བྱེད་བཞིའི་ཕ་རོལ་ཏུ་སོང་བ། ཧ་ལ་ཧ་སེ་ཞེས་བྱ་བའི་གྲོང་ན་གནས་པ་དེའི་དྲུང་ན། བྲམ་ཟེའི་བུ་འཇིག་རྟེན་ཐམས་ཅད་ཀྱིས་བལྟ་ན་སྡུག་པ་ཞེས་བྱ་བ་ཤིན།
iiif viewer powered by OpenSeadragon
