| e-texts navigator |
| Wylie |
154b1 ཤེས་བྱ་བར་འགྱུར་ཏེ། འཇིག་རྟེན་གྱི་ཁམས་གཙང་མ་སྦྱོང་བ་དེ་འབྱོར་པར་འགྱུར། རྒྱས་པར་འགྱུར། བདེ་བ་དང་། ཉམས་དགའ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས།
154b2 གང་བར་འགྱུར་རོ།། འབྱོར་ཅིང་རྒྱས་པར་གྱུར་པ་དེའི་ཚེ། འཛམ་བུའི་གླིང་འདིར་གྲོང་ཁྱེར་གཙང་མ་བསྲུང་ལྡན་ཞེས་བྱ་བ་ཞིག་འབྱུང་བར་འགྱུར་ཏེ། གྲོང་ཁྱེར་གཙང་མ་གསུང་ལྡན་དུ་མི་བྱེད་པ
154b3 བརྒྱ་སྟོང་ཕྲག་དགུ་བཅུ་རྩ་བརྒྱད་འབྱུང་བར་འགྱུར་རོ།། དཔེ་མེད་པའི་གྲོང་ཁྱེར་དེར་ར་བ་དང་། ཡང་ཏོག་དང་། བླ་བཙོགས་དང་། འོབས་དཔེ་མེད་པ་དག་འབྱུང་བར་འགྱུར་རོ།། དག་ཅིང་ཉོན་མོངས
154b4 པ་ཞི་བར་བྱེད་པའི་ཆུ་ཀླུང་ནག་པོ་བཟང་ཞེས་བྱ་བ་ནི་དེའི་ཚེ་། གཙང་མ་བཟང་པོ་ཞེས་བྱ་བར་འགྱུར་ཏེ། འགྲམ་ཕ་རོལ་ཚུ་རོལ་དཔེ་མེད་པའི་ཤིང་ལྗོན་པའི་ཀུན་དགའ་ར་བ་ཉམས་དགའ་བ་དང
154b5 ལྡན་པར་འགྱུར་རོ།། འཇིག་རྟེན་གྱི་ཁམས་གཙང་མ་སྦྱོང་བ་དེ་ཡང་འདི་ལྟ་སྟེ། དཔེར་ན། དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་བཞིན་ཏེ། རི་དང་།
154b6 རྡོ་དང་། བོང་བ་དང་། གྱོ་མོ་དང་། གསེག་མ་ལ་སོགས་པ་མེད་པར་འགྱུར་ཞིང་། མུ་སྟེགས་ཅན་གྱི་མིང་ཡང་མེད་པར་འགྱུར་རོ།། ཉན་ཐོས་དང་། རང་སངས་རྒྱས་ཐམས་ཅད་ཀྱི་མིང་ཡང
154b7 མི་གྲག་པར་འགྱུར་རོ།། སྐྱེས་པ་དང་། བུད་མེད་དག་པའི་བྱང་ཆུབ་སེམས་དཔའི་དགེ་འདུན་ཡང་འབྱུང་བར་འགྱུར་རོ།། དེ་ན་ཉན་ཐོས་དང་། རང་སངས་རྒྱས་ཤེས་པའི་གཏམ་གྱི་མིང་ཡང་མེད་དེ།།
iiif viewer powered by OpenSeadragon
