| e-texts navigator |
| Wylie |
153b1 མདོ་རིན་པོ་ཆེའི་དམ་པའི་ཆོས་བསྟན་པ་འབྱུང་བར་བྱ་བའི་ཕྱིར། ཅིའི་ཐབས་ཀྱིས་ཀྱང་མཚུངས་པ་མེད་པའི་སྒྲ་སྒྲོགས་པར་བྱེད་ཅིང་། མཚུངས་པ་མེད་པའི་གླེགས་བམ་བྲིས་པའི་སྣོད། སངས
153b2 རྒྱས་ཀྱིས་གང་དང་གང་དུ་བྱིན་གྱིས་བསླབས་པའི་གནས་རྣམས་སུ་འཇོག་པར་བྱེད་དེ། དེ་ལྟར་མཚུངས་པ་མེད་པའི་ས་བོན་བསྐྱེད་ནས། དེའི་འོག་ཏུ་འཆི་བའི་དུས་བྱེད་པར་འགྱུར་རོ།། དེའི་ཚེ
153b3 ལྷ་མོ་ལོ་ཏོག་འབྱོར་མ་ཤེས་རབ་ཆེན་མོ་ཐབས་མཁས་པ། ཟབ་མོ་ཤེས་པ་དང་ལྡན་པའི་ལྷ་མོས། བུད་མེད་ཀྱི་ལུས་ལས་ལྡོག་པར་འགྱུར་རོ།། སྤྲིན་ཆེན་སྙིང་པོས་གསོལ་པ། བཅོམ་ལྡན
153b4 འདས་ཅི་ལྷ་མོ་འདི་སེམས་ཅན་ཐམས་ཅད་ཀྱི་དད་པ་བསྐྱེད་པའི་སླད་དུ་ཆོ་འཕྲུལ་ཆེན་པོ་བགྱིས་ནས་ཡོངས་སུ་མྱ་ངན་ལས་འདའ་བར་འགྱུར་རམ། བཀའ་སྩལ་པ། སྤྲིན་ཆེན་སྙིང་པོ་ཅི་ལྷ་མོ་འདི།
153b5 ཆོ་འཕྲུལ་ཆེན་པོ་བྱེད་མི་ནུས་ཤེས་སྨྲ་འམ། བཅོམ་ལྡན་འདས་དེ་ནི་མ་ལགས་སོ།། བཀའ་སྩལ་པ། སྤྲིན་ཆེན་སྙིང་པོ་ལྷ་མོ་འདིའི་འཕྲུལ་ཆེན་པོ་སྟོན་མི་ནུས་སོ་ཞེས་དེ་སྐད་མ་ཟེར་ཅིག། འོན་ཀྱང
153b6 འདུལ་བའི་དབང་གིས་ནི་མི་འདོད་དོ།། དེ་ཅིའི་ཕྱིར་ཞེ་ན། འཛམ་བུའི་གླིང་འདི་ན་ལྷ་མོ་འདི་ལ་སོགས་པ་དགེ་སློང་ངམ། དགེ་སློང་མ་ཚུལ་ཁྲིམས་དང་ལྡན་པར་གྱུར་ནས། ཡོངས་སུ་མྱ་ངན་ལས
153b7 འདའ་བར་མི་འགྱུར་བའི་སེམས་ཅན་དེ་གང་ཡང་མེད་དེ། དེ་ནི་གནས་མེད་དོ།། སྤྲིན་ཆེན་སྙིང་པོ་དེ་བས་ན། མ་འོངས་པའི་སེམས་ཅན་བསོད་ནམས་ཆུང་ངུ་ཐམས་ཅད་ཀྱི་དད་པ་བསྐྱེད་པའི
iiif viewer powered by OpenSeadragon
