| e-texts navigator |
| Wylie |
152b1 རྒྱལ་བུའི་ཕོ་བྲང་འཁོར་དེ་འབྱོར་ཅིང་རྒྱས་པར་འགྱུར་རོ།། དེ་བཞིན་དུ་མུན་པ་ཅན་གྱི་ཡུལ་འཁོར་ཡང་དེའིཚེ་འབྱོར་ཅིང་རྒྱས་པར་འགྱུར་ཏེ། སྐྱེ་བོ་མང་པོས་ཀྱང་གང་བར་འགྱུར་རོ།། འབྲུ་རྣམས།
152b2 ཀྱི་ལོ་ཏོག་ཀྱང་ཤིན་ཏུ་ཕུན་སུམ་ཚོགས་པར་འགྱུར་རོ།། མི་རྣམས་ཀྱང་བདེན་པ་སྨྲ་བར་འགྱུར་རོ།། ནང་མེད་པ་དང་། འཇིགས་པ་མེད་པ་དང་། བདེ་བར་ཡང་འགྱུར་རོ།། དེ་ནས་བུ་མ
152b3 པ་རྒྱལ་པོ་དཔལ་འཕེལ་གྱིས་བདག་ཉིད་ཀྱི་བསོད་ནམས་ཀྱིས་གྲོང་ཁྱེར་དང་། ཡུལ་འཁོར་འབྱོར་ཅིང་རྒྱས་ལ་ཡུལ་གྱི་མི་རྣམས་ཤིན་ཏུ་ལེགས་པར་འཁོད་པ་དང་། འབྲུ་ཤིན་ཏུ་སྣ་ཚོགས་པར་མཐོང
152b4 ནས། བདག་ཉིད་ཀྱི་བུ་མོའི་མིང་ལོ་ཏོག་འབྱོར་མ་ཞེས་ཡོན་ཏན་དང་འཐུན་པའི་མིང་འདོགས་སོ།། དེ་ནས་རིམས་ཀྱིས་རྒྱལ་པོ་དཔལ་འཕེལ་རང་གི་བསོད་ནམས་ཟད་པས་འཆི་བའི་དུས
152b5 བྱེད་པར་འགྱུར་རོ།། དེ་ནས་གྲོང་ཁྱེར་དང་། གྲོང་རྡལ་དང་། ཡུལ་གྱི་མི་ཐམས་ཅད་འདུས་ཏེ། གཞོན་ནུ་རྒྱལ་པོ་ནུས་པ་འགའ་ཡང་མེད་ཀྱིས། ལྷ་མོ་ལོ་ཏོག་འབྱོར་མ་འད
152b6 ཉིང་རྒྱལ་པོར་དབང་བསྐུར་ལ། རྒྱལ་པོའི་ཕོ་བྲང་དུ་དེ་འདྲ་བའི་གཞོན་ནུ་འགའ་ཞིག་མིང་ཁྱེར་ཙམ་དུ་བཞག་སྟེ། དེ་ལྟར་བྱས་ན་ལེགས་སོ་སྙམ་མོ།། དེ་ནས་ལྷ་མོ་དེ་དང་རྒྱལ་པོ
152b7 གཞོན་ནུ་དེ་རྒྱལ་པོ་བྱེད་དུ་བཅུག་སྟེ། པོ་འུད་ཏི་མོ་འུད་ཏི་བཞིན་དུ་སྙད་བཏགས་ནས། བདག་ཉིད་ཀྱི་ཡུལ་དུ་བདག་ཉིད་ཀྱིས་བུད་མེད་ཀྱི་གཟུགས་ཀྱིས་རྒྱལ་སྲིད་ཆེན་པོ་ཡོངས་སུ་སྤྱད་དེ། མུ་སྟེགས་ཅན་ངན་པའི་སྡེ
iiif viewer powered by OpenSeadragon
