| e-texts navigator |
| Wylie |
152a1 ནི་རྟག་ཏུ་ཐབས་ཐམས་ཅད་ལ་འཇུག་པའི་ཕྱིར། སེམས་ཀྱི་སྨོན་ལམ་གྱིས་སྨོན་པར་བྱེད་དེ། འདོད་བཞིན་དུ་བུད་མེད་ཀྱི་ལུས་ཀྱི་འདུ་ཤེས་འཇུག་གོ། དེ་ལྟར་བུད་མེད་ཀྱི་ལུས
152a2 བསྒྲུབ་པའི་བསམ་པ་འཇུག་ཀྱང་། འདོད་པའི་སེམས་ཀྱིས་གོས་པར་མི་འགྱུར་ཞིང་འདྲེས་པར་ཡང་མི་འགྱུར་རོ།། གསོལ་པ། སེམས་ཅན་ཐམས་ཅད་ཀྱི་དོན་གྱི་སླད་དུ། ལྷ་མོ་དྲི་མ་མེད་པའི་འོད་ལུང
152a3 བསྟན་པ། རིགས་དང་གྲོང་དང་བཅས་པར་ཆོ་ག་བཞིན་དུ། བཅོམ་ལྡན་འདས་ཀྱིས་འདིར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་དྲི་མ་མེད་པའི་འོད་འདི་ནིང་ཐབས་ཀྱིས་ཡོངས
152a4 སུ་མྱ་ངན་ལས་འདས་པའི་འོག་ཏུ། ལོ་བདུན་བརྒྱ་ལོན་པ་ན་ལྷོ་ཕྱོགས་ཀྱི་རྒྱུད་དུ། ཡུལ་འཁོར་མུན་ཅན་ཞེས་བྱ་བ་ཞིག་འབྱུང་བར་འགྱུར་ཏེ། ཡུལ་འཁོར་ཆེན་པོ་དེ་ན། ཆུ་ཀླུང་ནག་པོ་བཟང་ཞེས་བྱ་བ
152a5 ཞིག་ཡོད་པ་དེའི་ལྷོ་ཕྱོགས་ཀྱི་འགྲམ་ན། གྲོང་ཁྱེར་དཔལ་ཡོན་ཅན་ངེས་པ་ཞེས་བྱ་བར་ཁམས་ཀྱི་རྒྱལ་པོ་བདེ་སྤྱོད་ཅེས་བྱ་བའི་རིགས་སུ་འབྱུང་བར་འགྱུར་ཏེ། ཁམས་ཀྱི་རྒྱལ་པོ་དེའི་རིགས་རབ་གསུམ
152a6 ལོན་པ་ན། རྒྱལ་པོ་དཔལ་འཕེལ་ཞེས་བྱ་བ་ཞིག་འབྱུང་བར་འགྱུར་ཏེ། རྒྱལ་པོ་དེའི་བུ་མོ་སྙིང་དུ་སྡུག་ཅིང་བྱམ་སོ་ལ་ཡིད་དུ་འོང་བ་དང་། གནང་བ་དང་། མཆོག་ཏུ་མཛེས་ཤིང་གཟུགས་བཟང་བ་ལ་རིགས
152a7 ཀྱི་སྤྱོད་པའི་ཚུལ་ཕུན་སུམ་ཚོགས་པ། སྐྱོང་བའི་རང་བཞིན་ཅན་དུ་སྐྱེ་བར་འགྱུར་ཏེ། དེའི་ཚེ་དེའི་དུས་ན་། བུ་མོ་དེ་ཇི་ཙམ་དུ་སྐྱེས་པ་དེ་ཙམ་དུ་བདག་ཉིད་ཀྱི་རྒྱལ་པོའི་ཕོ་བྲང་འཁོར་འཕེལ་བར་བྱེད་དེ།
iiif viewer powered by OpenSeadragon
