| e-texts navigator |
| Wylie |
126b1 ཟོཐོལ་བ་དང་འདྲ་བའི་སེམས་ཅན་དག་ཀྱང་། ཏིང་ངེ་འཛིན་གྱི་རྒྱལ་པོ་འདིའི་དབང་བསྐུར་བའི་འོས་སུ་མི་འགྱུར་རོ།། དེ་ཅིའི་ཕྱིར་ཞེ་ན། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྣམས་ནི། སངས
126b2 རྒྱས་མང་པོ་ལ་བསྙེན་བཀུར་བྱས་པ་ཡིན་པར་རིག་པར་བྱ་བའི་ཕྱིར་རོ།། སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་ཡུལ་ལ་ལྟོས། ཏིང་ངེ་འཛིན་འདི་ལ་གནས
126b3 པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་བཞིན་གཤེགས་པའི་ཡོན་ཏན་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་བསྟན་པའི་བྱ་བའི་ཕྱིར། ཏིང་ངེ་འཛིན་འདི་མི་ཤེས།
126b4 པའི་སེམས་ཅན་རྣམས་ལ་ཁོང་དུ་ཆུད་པར་བྱའོ་སྙམ་ནས། སེམས་ཅན་གང་དང་གང་ལ་ཅི་དང་ཅིས་དོན་དུ་འགྱུར་བ། དེ་དང་དེ་དག་ལ་དེ་དང་དེ་སྦྱིན་པར་བྱའོ་སྙམ་དུ་དམ་བཅས་ནས་སྨོན་ལམ་གྱི
126b5 ཕྱིར་ཚུལ་ཁྲིམས་སྲུང་སྟེ། ལག་པ་འདོད་པ་རྣམས་ལ་ནི་ལག་པ་སྦྱིན་ནོ།། རྐང་པ་འདོད་པ་རྣམས་ལ་ནི་རྐང་པ་སྦྱིན་ནོ།། མིག་འདོད་པ་རྣམས་ལ་ནི་མིག་སྦྱིན་ནོ།། ཤ་འདོད་པ་རྣམས་ལ་ནི་ཤ་སྦྱིན་ནོ།། །
126b6 ཁྲག་འདོད་པ་རྣམས་ལ་ནི་ཁྲག་སྦྱིན་ནོ།། རྐང་འདོད་པ་རྣམས་ལ་ནི་རྐང་སྦྱིན་ནོ།། ཡན་ལག་རེ་རེ་ནས་འདོད་པ་རྣམས་ལ་ཡཱང་ཡན་ལག་རེ་རེ་ནས་སྦྱིན་ནོ།། བྲན་པོ་དང་བྲན་མོ་འདོད་པ
126b7 རྣམས་ལ་ཡང་བྲན་དུ་འགྲོ་བར་བྱ་ན། ནོར་རམ་འབྲུ་རྣམས་ཡོངས་སུ་གངང་བ་ལྟ་ཅི་སྨོས་ཏེ། དེ་ལྟར་གྱུར་ཅིག་ཅེས་དེའི་ཕྱིར་ཚུལ་ཁྲིམས་སྲུང་ངོ་།། གཞན་ཡང་འཇིག་རྟེན་དང་འཐུར་བའི
iiif viewer powered by OpenSeadragon
