| e-texts navigator |
| Wylie |
126a1 ཆུབ་སེམས་དཔའི་བྱ་བ་ཐམས་ཅད་མཐར་ཕྱིན་པར་འགྱུར་རོ།། གསོལ་པ། བཅོམ་ལྡན་འདས་གང་དག་ཏིང་ངེ་འཛིན་འདིའི་ཡུལ་བཤད་པ་ཐོས་ན། སྤོང
126a2 པར་མི་བགྱིད་པ་ནི་ཀྱེ་མ་ངོ་མཚར་ཏེ། སེམས་ཅན་དེ་དག་ནི་མྱ་ངན་དུ་བགྱི་མི་འཚལ་བ་ལགས་སོ།། བཀའ་སྩལ་པ། སྤྲིན་ཆེན་སྙིང་པོ་དེ་དེ་བཞིན་ཏེ། མ་འོངས་པའི་དུས་ན་ཏིང་ངེ་འཛིན་བསྟན།
126a3 པ་འདི་བཤད་པ་ན། གང་དག་སྤོང་བར་མི་བྱེད་པའི་སེམས་ཅན་དེ་དག་ལ་ནི་མྱ་ངན་བྱ་མི་དགོས་སོ།། འདི་ལྟ་སྟེ་དཔེར་ན། རྒྱལ་པོའི་བུ་རིགས་ཆེ་ཞིང་སྟོབས་དང་ལྡན་ལ་འཁོར་སྙིང་ཉེ་བ་དང
126a4 ཚུལ་དུ་སྲུང་བར་བྱ་བ་དང་། ཡོན་ཏན་དང་། ལྡན་ཞིང་རྒྱལ་པོ་ཆེན་པོར་དབང་བསྐུར་བའི་སྤུ་ལ་བབ་པ་ནི་གནས་དཔའ་བའི་ལས་ལ་འདོད་པའི་སེམས་མི་སྐྱེད་དེ། རྒྱ་ཆེན་པོའི་རྒྱལ་སྲིད་ཀྱི
126a5 གནས་ལ་སེམས་སོ།། དེ་བཞིན་དུ་ཏིང་ངེ་འཛིན་བསྟན་པ་འདི་བཤད་པ་ཐོས་ན། སྤོང་བར་མི་བྱེད་ཅིང་ཁ་དོན་ཏུ་བྱེད་པ་དག་ནི་ཆོས་ཀྱི་ཡོན་ཏན་ཐ་མོས་ཅད་དང་ལྡན་ཞིང་། བྱང་ཆུབ
126a6 ཆེན་པོའི་དབང་བསྐུར་བའི་འོས་ཡིན་ཏེ། ཏིང་ངེ་འཛིན་འདི་ཐོས་ན། ཏིང་ངེ་འཛིན་གྱི་མཆོག་འདི་ལས་གཞན་པ། གནས་དམའ་བ་ལ་འདོད་པའི་སེམས་མི་སྐྱེད་དེ། དེ་ན་གནས་མེད་དོ།།
126a7 ཏིང་ངེ་འཛིན་རྒྱ་ཆེན་པོའི་གནས་འདི་ཡང་རྐྱེན་དུ་བབ་པ་ཡིན་ནོ།། སྤྲིན་ཆེར་སྙིང་པོ་གཞན་ཡང་དཔེར་ན། གདོལ་པ་ཟོལ་བ་ནི་མཆོད་པ་ཆེན་པོས་དབང་བསྐུར་བའི་འོས་མ་ཡིན་ནོ།། དེ་བཞིན་དུ་གདོལ་པ
iiif viewer powered by OpenSeadragon
