| e-texts navigator |
| Wylie |
108a1 པ་ཤ་སྟག་གོ།། སློབ་དཔོན་ལུང་སྟོན་པ་ཀོའུ་དི་ནྱ། ཐེག་པ་ཆེན་པོ་ལ་ཡང་དག་པར་ཞུགས་པའི་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་དེ་བཞིན་གཤེགས་པ་དགྲ
108a2 བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་རྣམས་ཐོས་ནས་འཛིན་ཏམ། ཀུན་ཆུབ་པར་བྱེད་དམ། འཆང་ངམ། ཀློག་གམ། གཞན་དག་ལ་ཡང་རྒྱས་པར་ཡང་དག་པར་སྟོན་ན།།
108a3 སློབ་དཔོན་ལུང་སྟོན་པ་ཀོའུ་དི་ནྱ། རིགས་ཀྱི་བུ་འམ། རིགས་ཀྱི་བུ་མོ་དེ་དག་ནི་སེམས་ཅན་དམྱལ་བར་འགྲོ་བ་འམ། དུད་འགྲོ་སྐྱེ་གནས་དང་། ལྷ་མ་ཡིན་གྱི་རིགས་སུ་སྐྱེ་བར་འགྱུར་བ་ནི་སྐབས་མ་ཡིན།
108a4 ཞིང་མི་སྲིད་དེ། དེ་ནི་གནས་མེད་དོ།། སློབ་དཔོན་ལུང་སྟོན་བཀོའུ་དི་རྱ། བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས། ད་ལྟར་ང་ལས་ཏིང་ངེ་འཛིན་གྱི་སྒོ་འདི་ཐོས་ལ་ཕྱི་མའི་ཚེ་ཡང
108a5 ཏིང་ངེ་འཛིན་འདི་ཐོས་ནས་སྨོད་པར་འགྱུར་བ་ནི་སྐབས་མ་ཡིན་ཞིང་མི་སྲིད་དེ་གནས་མེད་དོ།། སློབ་དཔོན་ལུང་སྟོན་པ་ཀོའུ་དི་ནྱ། དེ་བཞིན་གཤེགས་པ་དེ་དག་གི་མཚན་རྣམས་འཆང་བའི་བྱང་ཆུབ
108a6 སེམས་དཔའ་སེམས་དཔའ་ཆེན་པོ་དེ་ལ་དུག་གིས་ཚུགས་པ་འམ། མཚོན་བབ་པ་འམ། ཆུར་འཆི་བ་འམ། མེས་ཚིག་པར་འགྱུར་བ་འམ། དེ་ལ་རྒྱལ་པོ་འམ། ཆོམ་རྐུན་འམ། མི་འམ།
108a7 མི་མ་ཡིན་པ་འམ། ཀླུ་འམ། གནོད་སྦྱིན་འམ། སེང་གེ་འམ། སྲོག་ཆགས་གདུག་པའམ། སྟག་གམ། ཁྱི་འམ། སྤྱང་ཀི་འམ། སྦྲུལ་ལམ། སྡིག་པ་རྣམས་ཀྱིས་བར་ཆད་བྱ་བ་འམ།
iiif viewer powered by OpenSeadragon
