| e-texts navigator |
| Wylie |
105b1 བཀའ་སྩལ་པ། ལྷ་མོ་ཁྱོད་ཉིད་ཐོག་མར་རྗེ་ལུང་བསྟན་གྱིས་ཉོན་ཅིག། དེ་ནས་ལྷ་མོ་ངོ་ཚ་ནས་མགོ་སྨད་དོ།། བཅོམ་ལྡན་འདས་ཀྱིས་ཡང་བཀའ་སྩལ་པ། ལྷ་མོ་ལེགས་སོ་ལེགས
105b2 སོ།། ངོ་ཚ་བ་ནི་ཆོས་ཐམས་ཅད་ཀྱི་མཆོག་ཡིན་གྱིས་ལྷ་པོ་ཁྱོད་ལེགས་སོ།། ལྷ་མོ་ཁྱོད་རི་རྒྱལ་པོ་བརྩོན་འགྲུས་ཆེར་པོའི་ཀླུའི་བཙུན་མོ་དམ་པར་འགྱུར་ཏོ།། སྤྲིན་ཆེན་པོའི་མདོ་ལས་འབྱུང་བ
105b3 ཟབ་མོ་བརྟན་པ་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་གྱི་ཡུལ་ལ་ལྟོས། ལྷ་མོ་ང་འདས་པའི་འོག་ཏུ་ཁྱོ་དགེ་བའི་རྩ་བ་དང་། སྨོན་ལམ་གྱི་ཁྱད་པར་དེས་བེ་ཡི་ཞེས་བྱ་བའི་གྲོང་ན་གནས་པའི་རྗེའུ
105b4 རིགས་སུ་སྐྱེ་བར་འགྱུར་ཏེ། འཁོར་ལོས་སྒྱུར་བའི་རྒྱལ་པོའི་བཙུན་མོའི་གཟུགས་ཐོབ་ནས་ངེས་པ་དང་། ཉེ་བར་གནས་པ་དང་། བསླབ་པའི་གཞི་བཅས་པ་བླངས་ནས། གྲོང་ཁྱེར་དང་། ཚོང་རྡལ་དང་།
105b5 བཅས་པར་འབྱོར་ཅིང་རྒྱས་ལ། བུད་མེད་ཀྱི་གཟུགས་ཀྱིས་རྒྱལ་སྲིད་མངོན་པར་སྤྱོད་དེ། མུ་སྟེགས་ཅན་ངན་པའི་ཚོགས་ཐམས་ཅད་མངོན་པར་འདུལ་ཞིང་དམ་པའི་ཆོས་ཀྱི་སྒྲོན་མ་རབ་ཏུ་འབར་བར་བྱེད་ལ།
105b6 བཅོམ་ལྡན་འདས་ཀྱི་བསྟན་པ་ལ་མཆོད་པ་བྱེད་དེ། ཆོས་ཀྱི་སྒྲ་ཆེན་པོ་བསྒྲགས་ནས། བྱང་ཆུབ་སེམས་དཔའི་སྤྱོད་པས་རང་གི་རྒྱལ་སྲིད་ཡང་དག་པར་སྤང་ཞིང་ཡོངས་སུ་སྦྱོང་བར་བྱེད་ལ། འཇིག་རྟེན་དང
105b7 འཐུན་པར་བྱ་བ་སྤྱོད་པར་འགྱུར་ཏེ། ལྷ་པོ་རྒྱལ་པོ་བརྩོན་འགྲུས་ཆེན་པོའི་ཀླུའི་གཟི་བརྗིད་ཀྱི་མཐུས། ཁྱོད་བསམ་གྱིས་མི་ཁྱབ་པ་ལ་མངོན་པར་རྩ་བར་གྱུར་པ་ཡིན་གྱིས། ལྷ་མོ་ཆོས་ཀྱི་རྒྱལ་པོ
iiif viewer powered by OpenSeadragon
