| e-texts navigator |
| Wylie |
424b1 པའོ།། དེ་བཞིན་གཤེགས་པའི་དཔུང་མགོ་ཤིན་ཏུ་ཟླུམ་པ་འདི་ནི། སྔོན་གཞན་ནག་ལ་དབུགས་འབྱིན་པས་མངོན་པར་གྲུབ་པའོ།། དེ་བཞིན་གཤེགས་པའི་ཕྱག་མ་བཏུད་པར་པུས་སོར།
424b2 སླེབས་པ་འདི་ནི། སྔོན་གཞན་ལ་བྱ་བ་ཅི་ཡོད་བྱ་བས་མངོན་པར་གྲུབ་པའོ།། དེ་བཞིན་གཤེགས་པའི་སྒྲ་རྣམ་པར་དག་པ་འདི་ནི། སྔོན་དགེ་བ་བཅུའི་ལས་ཀྱི་ལམ་ངོམས་མི་མྱོང་བར་ཡང་དག
424b3 པར་སྦྱར་པས་མངོན་པར་གྲུབ་པའོ།། དེ་བཞིན་གཤེགས་པའི་མགུར་དུང་ལྟ་བུ་འདི་ནི། སྔོན་ནད་པ་རྣམས་ལ་སྨ་ན་སྣ་ཚོགས་བྱིན་པས་མངོན་པར་གྲུབ་པའོ།། དེ་བཞིན་གཤེགས་པའི་འགྲམ་པས
424b4 གེའི་འདྲ་བ་འདི་ནི་། སྔོན་དགེ་བའི་རྩ་བ་ཡོངས་སུ་རྫོགས་པར་བྱས་པས་མངོན་པར་གྲུབ་པའོ།། དེ་བཞིན་གཤེགས་པའི་ཚེམས་བཞི་བཅུ་མཉམ་པ་འདི་ནི། སྔོན་སེམས་ཅན་ལ་མཚུངས་པར
424b5 གནས་སྦྱར་བས་མངོན་པར་གྲུབ་པའོ།། དེ་བཞིན་གཤེགས་པའི་ཚེམས་ཐགས་བཟང་བ་འདི་ནི། སྔོན་སེམས་ཅན་བྱེ་བའི་བསྡུམས་བྱས་པས་སོ།། དེ་བཞིན་གཤེགས་པའི་ཚམས་ཤིན་ཏུ་དཀར
424b6 བ་འདི་ནི། སྔོན་ཡིད་དུ་འོང་བ་རབ་ཏུ་བྱིན་པས་སོ།། ཚེམས་མཉམ་པ་འདི་ནི། སྔོན་ལུས་དང་ངག་དང་ཡིད་ཀྱི་ལས་ཀུན་ཏུ་བསྲུངས་པས་གྲུབ་པའོ།། དེ་བཞིན་གཤེགས་པའི་ལྗགས་ཤིན་ཏུ་རིང་བ་འདི་ནི།
424b7 སྔོན་བདེན་པའི་ཚིག་ཡང་དག་པར་བསྲུང་བས་གྲུབ་པོ།། དེ་བཞིན་གཤེགས་པའི་རོ་བྲོ་བའི་མཆོག་དང་ལྡན་པ་འདི་ནི།། སྔོན་བསོད་ནམས་ཚད་མེད་པས་བདག་ཉེ་བར་བརྟན་ཅིང་གཞན་ལ་རབ་ཏུ་བྱིན་པས།
iiif viewer powered by OpenSeadragon
