| e-texts navigator |
| Wylie |
281a1 བ་འབུལ་བར་བྱེད་པ་བས་ནི། སངས་རྒྱས་ཀྱི་མཚན་ཡོངས་སུ་བཟུང་བའི་དགེ་བའི་རྩ་བ་འདི་ལ་བརྒྱའི་ཆར་ཡང་ཉེ་བར་མི་འགྲོ།། སྟོང་དང
281a2 བརྒྱ་སྟོང་དང་། གྲངས་དང་། ཆ་དང་། བགྲང་བ་དང་། དཔེར་ཡང་ཉེ་བར་མི་འགྲོ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་རིན་ཆེན་དམ་པའི
281a3 མཚན་འཛིན་པར་བྱེད་པ་རྣམས་ལ་གལ་ཏེ་ཡོད་ན། མཆོག་ནི་འདི་ཁོ་ན་ཡིན་ནོ།། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ།།
281a4 འཇིག་རྟེན་གྱི་ནི་མགོན་པོ་འོད་མཛད་པ།། དེ་དག་དུས་དང་དུས་མིན་མཁྱེན་པ་ཡིས།། སེམས་ཅན་ཐམས་ཅད་བདག་ལ་ཕན་མཛད་པ།། དེ་དག་ཤར་དང་ལྷོ་དང་ནུབ་དང་ནི།། བྱང་གི
281a5 ཕྱོགས་རྣམས་དག་ན་རབ་ཞུགས་པ།། སྐྱེས་བུ་རྣམས་ཀྱི་གཙོ་བོ་དེ་དག་ལ།། ཉིན་པར་དང་ནི་མཚན་མོ་དག་ཏུ་ཡང་།། གུས་དང་བཅས་པས་ཐལ་སྦྱར་ཕྱག་བྱོས་ཤིག། མི་ཡིད་པ
281a6 གང་དག་ནི།། བསྐལ་པ་སྟོང་ན་འབྱུང་བ་ཡི།། མཆོག་ཏུ་སྙེད་བཀའ་དེ་ལ་ཡང་།། ཕྱག་བྱས་མངོན་ཤེས་ཅི་ཞིག་ཡོད།། སངས་རྒྱས་བཀུར་སྟི་བྱེད་འདོད་དང་།། རྫོགས་པའི
281a7 བྱང་ཆུབ་འདོད་པ་ཉིད།། དེས་ནི་སངས་རྒྱས་རྣམས་ཀྱི་མཚན།། རྒྱལ་བས་བཤད་པ་འདི་མཉན་བྱ།། སངས་རྒྱས་ཡེ་ཤེས་བསྐྱེད་པ་ལ།། ནམ་ཡང་སོམ་ཉི་མི་ཟ་སྟེ།། དགེ
iiif viewer powered by OpenSeadragon
