| e-texts navigator |
| Wylie |
280a1 འཛིན་པར་བྱེད་པ་དེ་དག་ནི། སྲིད་པར་སྐྱེས་པ་ན་ཚེ་རབས་དྲན་པར་འགྱུར་རོ།། བྱང་ཆུབ་སེམས་དཔའི་ཏིང་ངེ་འཛིན་ཉི་མའི་དཀྱིལ་འཁོར་སྣང་བ
280a2 དམ་པ་ཞེས་བྱ་བ་ཡང་ཐོབ་པར་འགྱུར་ཏེ། དེ་ལ་གནས་ནས་སངས་རྒྱས་ཀྱི་ཞིང་ཆུ་བོ་གངྒཱའི་བྱེ་མ་སྙེད་ཀྱི་སངས་རྒྱས་ཀྱི་ཞིང་རྣམས་དང་སངས་རྒྱས་བཅོམ་ལྡན་འདས་དེ་རྣམས
280a3 ཀྱང་མཐོང་བར་འགྱུར་རོ།། འོད་སྲུངས་ཆེན་པོ་དེ་ལྟར་ན་མི་ཕམ་པ་དང་འདྲ་བའི་བྱང་ཆུབ་སེམས་དཔའ་རྣམས་ཀྱི་ཡོན་ཏན་གང་དག་ཡིན་པའི་ཡོན་ཏན་གྱི་ཕན་ཡོན་དེ་དག་དེ་ལ་འབྱུང།
280a4 བར་འགྱུར་རོ།། འོད་སྲུངས་ཆེན་པོ་བུད་མེད་གང་ཞིག་དེ་བཞིན་གཤེགས་པ་དེའི་མཚན་འཛིན་པར་བྱེད་ན་ཡང་། དེའི་བུད་མེད་ཀྱི་དངོས་པོ་ཐ་མ་ཡང་དེ་ཡིན་ཏེ། དེ་ནས་ཤི་འཕོས་ནས།
280a5 སྐྱེས་པའི་དངོས་པོ་ཐོབ་པར་འགྱུར་རོ།། དེ་ལྟར་ན་དེ་བཞིན་གཤེགས་པ་མཐུ་འོད་ཆེན་པོ་དེའི་མཚན་འཛིན་པ་ནི་དོན་ཆེན་པོ་བྱེད་པ་ཡིན་ནོ།། དེ་ནས་བཅོམ་ལྡན་འདས
280a6 ཀྱིས་དེའི་ཚེ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ།། བུད་མེད་ཀྱིས་ནི་དྲང་སྲོང་ཆེན་པོ་དེ་ཡི་མཚན་ཐོས་ན།། བུད་མེད་དངོས་པོ་དེ་བསྒྱུར་སྐྱེས་བུ་མཁས་པའི་དངོས་པོར
280a7 འགྱུར།། ལུས་ཅན་ཀུན་ལ་ཕན་ཕྱིར་བྱང་ཆུབ་དམ་པར་འཚང་རྒྱ་ཞིང་།། ལྷ་དང་བཅས་པའི་འཇིག་རྟེན་དག་གི་རྟེན་དང་དཔུང་གཉེན་འགྱུར།། འོད་སྲུངས་ཆེན་པོ་རིགས་ཀྱི་བུ་འམ།།
iiif viewer powered by OpenSeadragon
