| e-texts navigator |
| Wylie |
278b1 ཀྱི་མཐར་ཐུག་གི་བར་དུ་སངས་རྒྱས་བཅོམ་ལྡན་འདས་དེ་རྣམས་དང་མི་འབྲལ་བར་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ།།
278b2 བསྐལ་པ་སྟོང་ཕྲག་སུམ་ཅུ་རྩ་ལྔར་འཁོར་བ་ལས་ཕྱིར་ཕྱོགས་པར་འགྱུར་རོ།། དེ་དག་གིས་བསོད་ནམས་ཀྱི་ཕུང་པོ་དཔག་ཏུ་མེད་པ་ཡོངས་སུ་བཟུང་བར་འགྱུར་རོ།། འོད་སྲུངས་ཆེན་པོ་ལྷོ
278b3 ཕྱོགས་ན་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་སྟོང་ཕྲག་སུམ་ཅུ་ལྔ་འདས་པ་ན། འཇིག་རྟེན་གྱི་ཁམས་སྤོས་མཆོག་དྲི་ཞིམ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ
278b4 བཅོམ་པ་ཡང་དག་པར་རྫོགས་པའི་སངས་རྒྱས་སྤོས་མཆོག་མཐའ་ཡས་རྒྱལ་པོ་པ་ཞེས་བྱ་བ་ད་ལྟར་བཞུགས་ཤིང་འཚོ་ལ་གཞེས་སོ།། འོད་སྲུངས་ཆེན་པོ་དེ་བཞིན་གཤེགས་པ་སྤོས་མཆོག
278b5 མཐའ་ཡས་རྒྱས་པོས་སྔོན་གྱི་སྨོན་ལམ་འདི་སྐད་ཅེས་བཏབ་པོ།། སྔོན་སྨོན་ལམ་བཏབ་པ་དེ་གང་ཞེ་ན། འདི་ལྟ་སྟེ། རིགས་ཀྱི་བུ་འམ། རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་ཆེན
278b6 པོ་ལ་ཡང་དག་པར་ཞུགས་པ་གང་སུ་དག་བདག་གི་མིང་འཛིན་པར་བྱེད་པ་དེ་ཡོན་ཏན་འདི་ལྟ་སྟེ། སྐྱེས་ཤིང་སྐྱེས་པ་ཐམས་ཅད་དུ་ཚེ་རབས་དྲན་ཞིང་ཚངས་པར་སྤྱོད་པར་འགྱུར་བ་དང
278b7 སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལུས་ལེགས་པར་རྒྱན་པར་འགྱུར། སངས་རྒྱས་ཀྱིས་ཞིང་གཞན་དག་ཏུ་སྣང་བར་བྱེད་ཅིང་། ཡང་དག་པར་འགྲོ་བར་བྱེད་ལ་བདག་གིས་ཀྱང་དེ
iiif viewer powered by OpenSeadragon
