| e-texts navigator |
| Wylie |
278a1 ཀྱི་ཞིང་སྟོང་ཕྲག་དྲུག་ཅུ་འདས་པ་ན་འཇིག་རྟེན་གྱི་ཁམས་སྒྲ་ཡིད་འོང་ཞེས་བྱ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་ཡང་དག་པར་རྫོགས་པའི།
278a2 སངས་རྒྱས་གོ་འཕང་མཐའ་ཡས་རྣམ་པར་གནོན་ཅེས་བྱ་བ་ད་ལྟར་བཞུགས་ཤིང་འཚོ་ལ་གཞེས་སོ།། འོད་སྲུངས་ཆེན་པོ་རིགས་ཀྱི་བུ་དང་། རིགས་ཀྱི་བུ་མོ་ཐེག་པ་ཆེན་པོ་ལ
278a3 ཡང་དག་པར་ཞུགས་པ་གང་སུ་དག། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གོ་འཕང་མཐའ་ཡས་རྣམ་པར་གནོན་དེའི
278a4 མཚན་འཛིན་པར་བྱེད་པ་དེ་དག་ནི་སྲིད་པར་སྐྱེས་པ་ན། ཚེ་རབས་དྲན་པར་འགྱུར་རོ།། བྱང་ཆུབ་སེམས་དཔའི་ཏིང་ངེ་འཛིན་ཟླ་བའི་དཀྱིལ་འཁོར་རྣམ་པར་དག་པ་ཞེས་བྱ་བ
278a5 ཡང་ཐོབ་པར་འགྱུར་ཏེ། དེ་ནས་ཤར་ཕྱོགས་སུ་ཆུ་བོ་གངྒཱའི་བྱེ་མ་སྙེད་ཀྱི་སངས་རྒྱས་བཅོམ་ལྡན་འདས་མཐོང་བར་འགྱུར་རོ།། དེ་བཞིན་དུ་ལྷོ་དང་། ནུབ་དང་། བྱང་དང་།
278a6 བྱང་ཤར་དང་། ཤར་ལྷོ་དང་། ལྷོ་ནུབ་དང་། ནུབ་བྱང་དང་། འོག་དང་སྟེང་གི་ཕྱོགས་དང་། ཕྱོགས་བཅུ་ཀུན་ཏུ་ཡང་ཕྱོགས་རེ་རེར་ཆུ་བོ་གངྒཱའི་བྱེ་མ་སྙེད་ཀྱི་སངས་རྒྱས་བཅོམ
278a7 ལྡན་འདས་མཐོང་བར་འགྱུར་རོ།། དེ་རྣམས་ཀྱིས་ཆོས་བསྟན་པ་ཡང་ཡང་དག་པར་ཤེས་པར་འགྱུར་རོ།། རྟག་ཏུ་སངས་རྒྱས་འབྱུང་བ་མཉེས་པར་བྱེད་པར་འགྱུར་རོ།། བྱང་ཆུབ
iiif viewer powered by OpenSeadragon
