| e-texts navigator |
| Wylie |
277b1 མཚན་འཛིན་པར་བྱེད་པ་དེ་དག་ནི་སྲིང་པར་སྐྱེས་པ་ན་འདུག་སྟེ་ཆོས་སྟོན་པར་འགྱུར་རོ།། འདོད་ན་འཛམ་བུའི་གླིང་འདི་སྐད་ཀྱིས་གོ་བར་བྱེད་པར་འགྱུར་རོ།། འདོད་ན་སྟོང་གསུམ་གྱི་སྟོང་།
277b2 ཆེན་པོའི་འཇིག་རྟེན་གྱི་ཁམས་འདི་སྐད་ཀྱིས་གོ་བར་བྱེད་པར་འགྱུར་རོ།། ཆོས་འཆད་པ་ན་སེམས་ཅན་གང་དག་ཇི་ལྟར་མོས་པ་དང་། ཇི་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ
277b3 ལས་ཕྱིར་མི་ལྡོག་པར་འགྱུར་བ་དེ་ལྟ་བུར་དེ་དག་ལ་ཆོས་བསྟོན་པར་འགྱུར་རོ།། བསྐལ་པ་སྟོང་ཕྲག་དྲུག་ཅུར་འཁོར་བ་ལས་ཕྱིར་ཕྱོགས་པར་འགྱུར་རོ།། འོད་སྲུངས་ཆེན་པོ་ཤར་ཕྱོགས་ན
277b4 སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་སྟོང་ཕྲག་དྲུག་ཅུ་འདས་པ་ན་འཇིག་རྟེན་གྱི་ཁམས་རིན་པོ་ཆེ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
277b5 པའི་སངས་རྒྱས་རིན་པོ་ཆེའི་སྙིང་པོ་ཞེས་བྱ་བ་ད་ལྟར་བཞུགས་ཤིང་འཚོ་ལ་གཞེས་སོ།། འོད་སྲུངས་ཆེན་པོ་རིགས་ཀྱི་བུ་འམ། རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང
277b6 སུ་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་དེའི་མཚན་འཛིན་པར་བྱེད་པ་དེ་དག་ནི། སྲིད་པར་སྐྱེས་པ་ནི
277b7 ཚེ་རབས་དྲན་པར་འགྱུར་རོ།། རིན་པོ་ཆེ་བདུན་པོ་བྱང་ཆུབ་ཀྱི་ཡན་ལག་རིང་པོ་རྣམས་ཐོབ་པར་འགྱུར་རོ།། འོད་སྲུངས་ཆེན་པོ་ལྷོ་ཕྱོགས་ན་སངས་རྒྱས་ཀྱི་ཞིང་འདི་ནས། སངས་རྒྱས
iiif viewer powered by OpenSeadragon
