| e-texts navigator |
| Wylie |
198b1 ཀྱིས་མདུན་དུ་མ་འཆད་ཅིག། དེ་ཅིའི་ཕྱིར་ཞེ་ན། བསྟན་པ་འདི་ནི་ཉན་ཐོས་དང་། རང་སངས་རྒྱས་ཀྱི་ས་ཡང་མ་ཡིན་ན། སེམས་ཅན་དགེ་བའི་རྩ་བ་ཆུང་ངུ་དང་ལྡན་པ་རྣམས་ཀྱི་ལྟ་ཅི
198b2 སྨོས་དེ་ཅིའི་ཕྱིར་ཞེ་ན། དེ་དག་ཐམས་ཅད་བསླབས་པ་མ་ཡིན་པས། འདི་ནི་དེ་དག་ལ་མི་དགོས་སོ།། བྱང་ཆུབ་སེམས་དཔའ་གང་དག་བསྟན་པ་འདི་ལ་སློབ་པར་འགྱུར་བ་མ་གཏོགས
198b3 པར་གཞན་ཐབས་མཁས་པ་བསྟན་པ་འདི་སྣོད་དུ་གྱུར་པ་གང་ཡང་མེད་དོ།། འདི་ལྟ་སྟེ། རིགས་ཀྱི་མཚན་མོ་ས་སྲོས་པའི་མུན་པར་མར་མེ་བུས་ན་ཁྱིམ་ན་སྣོད་དུ་ཐམས་ཅད་སྣང་བར་འགྱུར།
198b4 བ་དེ་བཞིན་དུ། བྱང་ཆུབ་སེམས་དཔའ་ཡང་ཐབས་མཁས་པ་བསྟན་པ་འདི་ཐོས་ཏེ། མོས་པར་གྱུར་ནས། སངས་རྒྱས་ཀྱི་སྤྱོད་པ་ཐམས་ཅད་མཐོང་བར་འགྱུར་ཞིང་སེམས་ཅན་དག་ལ
198b5 ཡང་སློབ་པར་འགྱུར་རོ།། རིགས་ཀྱི་བུ་ཁྱོད་ལ་བསྒོའོ།། ཁོང་དུ་ཆུད་པར་བྱའོ།། བྱང་ཆུབ་འདོད་པའི་རིགས་ཀྱི་བུ་འམ་རིགས་ཀྱི་བུ་མོས་ཐབས་མཁས་པས་འདི་གང་ན་རྣར་གྲགས་པར
198b6 འགྱུར་ན། དཔག་ཚད་འབུམ་དུ་ཡང་འགྲོ་བར་བྱའོ།། ཅིའི་ཕྱིར་ཞེ་ན། དེ་ལྟར་བསྟན་པ་འདི་ཐོས་ན་སྣང་བ་ཐོབ་པར་འགྱུར། སངས་རྒྱས་ཀྱི་ཆོས་ཐམས་ཅད་ལ་འགྱོད་པ་མེད་པར་འགྱུར
198b7 ཐེ་ཙོམ་དང་བྲལ་བར་འགྱུར་རོ།། དེ་ནས་ལྷ་དང་འཇིག་རྟེན་དུ་བཅས་པའི་འཁོར་བཞི་ལས་སེམས་ཅན་གང་དག་སྣོད་དུ་གྱུར་པ་དེ་དག་གིས་ནི་ཆོས་ཀྱི་རྣམ་གྲངས་འདི་ཐོས་སོ།།
iiif viewer powered by OpenSeadragon
