| e-texts navigator |
| Wylie |
198a1 མཐོང་ནས་ཀྱང་སེམས་ཅན་དཔག་ཏུ་མེད་པ་དག་ཚུལ་ཁྲིམས་ལེན་པར་བྱེད་དེ། བརྒྱད་དམ་བརྟགས་སམ་སྤྱོས་ཀྱང་མི་ཁྲོ་ཞིང་དེ་དག་བཟོད་པ་རྫོགས
198a2 པར་འགྱུར་བས། རྣམ་གྲངས་དེའི་ཕྱིར་སེམས་ཅན་དཔག་ཏུ་མེད་པའི་དོན་བྱས་སོ།། གང་ཡང་ལྷ་སྦྱིན་གྱིས་དེ་བཞིན་གཤེགས་པ་བསད་པར་བཤམས་པ་དང་། བ་གླང་ནོར་སྐྱོང
198a3 བཏང་བ་དང་། རྡོའི་སྒྱོགས་འཆར་བཅུག་པ་དེ་ཡང་དེ་བཞིན་གཤེགས་པའི་ཐབས་མཁས་པར་ཤེས་པར་བྱ་སྟེ། ལས་ཀྱི་སྒྲིབ་པའི་ཉོན་མོངས་པ་ནི་མ་ཡིན་ནོ།། དེ་ཅིའི་ཕྱིར་ཞེ་ན།
198a4 ཐབས་མཁས་པ་འདི་ལ་གནས་ནས་སེམས་ཅན་དཔག་ཏུ་མེད་པའི་དོན་བྱས་སོ།། རིགས་ཀྱི་བུ་མདོར་ན་ལྷ་སྦྱིན་གྲགས་པར་འདོད་པ་དེ་ནི་ངའི་སྟོན་པ་ཡིན་ནོ།། ལས་ཀྱི་རྒྱུད་བཅུ་པོ
198a5 ཐམས་ཅད་ཀྱང་དེ་བཞིན་གཤེགས་པའི་ཐབས་མཁས་པར་ཤེས་པར་བྱ་སྟེ། ལས་ཀྱི་བྱ་བ་ཤིན་ཏུ་སྟོན་པའི་སེམས་ཅན་ལས་ཀྱི་རྣམ་པར་སྨིན་པ་ལ་མི་འཇུག་པའི་སེམས་ཅན་རྣམས
198a6 ལ་ཆེ་གེ་མོ་ཞིག་གིས་ལས་ཀྱི་རྣམ་པར་སྨིན་པ་ནི་འདིའོ།། ཆེ་གེ་མོ་ཞིག་གི་ལས་ཀྱི་རྣམ་པར་སྨིན་པ་འདིའོ་ཞེས་དེ་བཞིན་གཤེགས་པ་ཐབས་མཁས་པས་ལས་ཀྱི་རྒྱུད་བསྟན་ཏེ།
198a7 དེ་ཐོས་ནས་ཕན་པར་བྱེད་པར་འགྱུར་རོ།། དེ་ལྟ་བས་ན་རིགས་ཀྱི་བུ་ཐབས་མཁས་པ་བསྟན་པ་འདི་གསང་བར་གྱིས་ཤིག། སེམས་ཅན་དགེ་བའི་རྩ་བ་ཆུང་ངུ་དང་ལྡན་པ་རྣམས
iiif viewer powered by OpenSeadragon
