| e-texts navigator |
| Wylie |
196b1 པར་གྱུར། སེམས་ཅན་གང་ན་སྟེ་ཆོས་ཉན་པར་མི་འགྲོ་བའི་སེམས་ཅན་དེ་དག་ཀྱང་དེ་བཞིན་གཤེགས་པ་ཆོས་ཀྱི་རྗེ་ཡང་བྱང་ཆུབ་ཀྱི་ཡན་ལག་བརྗོད་པ་གསན་ནས། ནད་ལས་ཡོངས་སུ་ཐར་ན་བདག
196b2 ཅག་གིས་ལྔ་ཅིའི་ཕྱིར་ཆོས་མཉན་པར་མི་བྱ་སྙམ་དུ་སེམས་དཔར་གྱུར་ཏེ། རིགས་ཀྱི་བུ་འདི་ལྟ་བས་ན་ལྷའི་བུ་དེ་དག་གདུལ་བའི་དོན་དུ་བྱ་བ་དང་། སེམས་ཅན་ནད་པ་དག་ཆོས་ཉིད་བསྟན་པའི་ཕྱིར།
196b3 དེ་བཞིན་གཤེགས་པས་ང་རྒྱབ་ན་ནས། འོད་སྲུངས་བྱང་ཆུབ་ཀྱི་ཡན་ལག་ཤོད་ཅིག། ཅེས་དེ་སྐད་ཀྱི་ཚིག་སྟེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི། ལས་ཀྱིས་སྒྲིབས་པ་ནི།
196b4 མ་ཡིན་ནོ།། ཅིའི་ཕྱིར་ན་ཤཱཀྱ་རྣམས་ཁ་བཏགས་པས་དེ་བཞིན་གཤེགས་པ་ང་ཀླད་པ་ན་སྟེ་མི་བཟོད་དོ།། ཞེས་གསུང་ཞེ་ན། རིགས་ཀྱི་བུ་འདི་ལ་སེམས་ཅན་ཁ་ཅིག་དེ་བཞིན་གཤེགས་པ་ནི་གཉེན
196b5 རྣམས་ཀྱི་དོན་མི་བཞེད། ཕན་པར་མི་བཞེད། བདེ་བར་མི་བཞེད། ཕན་པ་དང་བདེ་བར་མི་བཞེད་པས། དེའི་ཕྱིར་རྒྱལ་པོའི་རིགས་ཐམས་ཅད་ཁ་གདག་གོ།། སྙམ་དུ་སེམས་ཀྱི། དེ་བཞིན་གཤེག
196b6 པས་གཉེན་རྣམས་ཀྱིས་ཐོག་མ་མེད་པའི་སྡུག་བསྔལ་གྱི་ཕུང་པོ་མཐར་ཕྱུང་བར་ནི་མི་ཤེས་པའི་སེམས་ཅན་དེ་དག་གིས་སེམས་བསྲུངས་པའི་ཕྱིར་གནས་བརྟན་དགའ་བོ་ལ། ང་ནི་ཀླད་པ་ན་སྟེ།
196b7 མི་བཟོད་དོ་ཞེས་དེ་སྐད་ཀྱི་ཚིག་གསུང་སྟེ། རིགས་ཀྱི་བུ་གང་གི་ཚེ་ན་དེ་བཞིན་གཤེགས་པ་གནས་བརྟན་དགའ་བོ་ང་ནི་ཀླད་པ་ན་སྟེ། མི་བཟོད་དོ་ཞེས་དེ་སྐད་ཀྱི་ཚིག་གསུངས་པ་དེའི
iiif viewer powered by OpenSeadragon
