| e-texts navigator |
| Wylie |
196a1 ལས་ཀྱི་རྒྱུད་འདི་དག་བསྟན་ཏོ།། རིགས་ཀྱི་བུ་དེ་བཞིན་གཤེགས་པའི་ཁྱད་པར་ལ་ལྟོས། གང་གིས་དེ་བཞིན་གཤེགས་པ་སྤྱན་དྲངས་ཏེ་མ་ཕུལ་བ་ཏེ། དེ་ཡང་།
196a2 ལྟུང་བའི་ཆོས་མེད་པར་ལུང་བསྟན་ཏོ།། རིགས་ཀྱི་བུ་ཡང་དེ་བཞིན་གཤེགས་པ་དང་ལྷན་ཅིག་ཏུ་ཚུལ་དུ་ཞུགས་པའི་དགེ་སློང་ལྔ་བརྒྱ་པོ་དེ་དག་ལས། དགེ་སློང་བཞི་བཅུ་འདོད་ཆགས་སྤྱོད
196a3 ཅིང་སྡུག་གུའི་མཚན་མ་ལ་སྤྱོད་པར་གྱུར་ཏེ། གལ་ཏེ་དེ་དག་ཟས་མཆོག་ཟོས་པར་གྱུར་ན། དེ་དག་ཤིན་ཏུ་འདོད་ཆགས་དང་ལྡན་པའི་རྟོག་པ་སྐྱེ་བར་འགྱུར་བ་ལས་དེ་དག་ཟས་ངན་པའི་རྟོག
196a4 པ་དེ་སྲབ་མོར་གྱུར་ཏེ། དེ་དག་གིས་ཞག་བདུན་གྱིས་དགྲ་བཅོམ་པ་ཐོབ་པར་གྱུར་ཏོ།། ཅིའི་ཕྱིར་ན། དེ་བཞིན་གཤེགས་པ་ང་རྒྱབ་ན་ནས། འོད་སྲུངས་བྱང་ཆུབ་ཀྱི་ཡན་ལག་ཤོད་ཅིག་ཅེས
196a5 གསུངས་ཞེ་ན། རིགས་ཀྱི་བུ་དེ་ལྟར་ལྷའི་བུ་ཉན་ཐོས་ཀྱི་ཐེག་པ་ལ་གནས་པ་བརྒྱད་སྟོང་ལྷགས་པར་གྱུར་ལ། དེ་དག་ཀྱང་སྔོན་འོད་སྲུང་གིས་སངས་རྒྱས་དང་། ཆོས་དང་། དགེ་འདུན་དང
196a6 བག་བྱེད་པ་ལ་བཀོད་པར་གྱུར་ཅིང་། ལྷའི་བུ་དེ་དག་གིས་བྱང་ཆུབ་ཀྱི་ཡན་ལག་གི་གཏམ་ཕྱི་ཕྱིར་ཞིང་ཐོས་པས། གལ་ཏེ་འོད་སྲུངས་མ་གཏོགས་པར་ལྷའི་བུ་དེ་དག་ལས་སངས་རྒྱས་སྟོང་གིས་ཆོས་བཤད
196a7 ཀྱང་ཤེས་པར་འགྱུར་བ་འམ། ཤེས་པ་འཛིན་པ་མེད་ནས། འོད་སྲུངས་ཀྱིས་བྱང་ཆུབ་ཀྱི་ཡན་ལག་རབ་ཏུ་དབྱེ་བ་རྒྱས་པར་བཤད་པ་དང་། ལྷའི་བུ་བརྒྱད་སྟོང་པོ་དེ་དག་གིས་ཀྱང་ཡེ་ཤེས་རྟོགས
iiif viewer powered by OpenSeadragon
