| e-texts navigator |
| Wylie |
179a1 སླས་པའི་ཕྱི་བསྟན་པའི་ཕྱིར། དགའ་བ་དང་རྩེ་བ་ཆེན་པོ་དེ་དག་བསྟན་ནས་ཁྱིམ་ནས་མངོན་པར་འབྱུང་བར་བྱེད་དོ།། གླིང་ཆེན་པོ་བཞི་སྤང་བར་བསྟན་པས་ན།།
179a2 ངའི་རྗེས་སུ་སློབ་པ་གཞན་དག་ཀྱང་དགའ་བ་དང་། རྩེ་བ་ཆེན་པོ་སྤངས་ནས་རབ་ཏུ་འབྱུང་བའི་ཕྱིར་ཁྱིམ་ནས་མངོན་པར་འབྱུང་སྟེ། རྒྱུ་དེ་དང་རྐྱེན་དེས་ཕྱིར་བྱང་ཆུབ་སེམས་དཔའ
179a3 སླར་ཁྱིམ་དུ་ཞུག་སོ།། ཅིའི་ཕྱིར་ན། བྱང་ཆུབ་སེམས་དཔའི་མ་ཉི་མ་བདུན་ལོན་པ་དང་། འཆི་བའི་དུས་བྱེད་ཅེ་ན། ལྷ་མོ་སྒྱུ་མེ་ཚེ་ཟད་ནས་འཆི་བའི་དུས་བྱས་ཀྱི་བྱང་ཆུབ
179a4 སེམས་དཔའོ་ཉེས་པ་ནི་མ་ཡིན་ནོ།། འདི་ལ་བྱང་ཆུབ་སེམས་དཔའ་དགའ་ལྡན་གྱི་གནས་ཉིད་ན་གནས་ཤིང་། ལྷའི་མིག་གིས་ལྷ་མོ་སྒྱུ་མའི་ཚེ་ལ་བརྟགས་ནས། ནམ་ལྷ་མོ་སྒྱུ་མའི་ཚེ
179a5 ཟླ་བ་བཅུ་དང་། ཉི་མ་བདུན་ལུས་པར་ཤེས་པ་དང་། དེའི་འོག་ཏུ་བྱང་ཆུབ་སེམས་དཔའ་དགའ་ལྡན་གྱི་གནས་ནས་ཤི་འཕོས་ཏེ་མའི་མངལ་དུ་འཇུག་གོ།། དེ་བས་ན་རྣམ་གྲངས་དེས་ཀྱང
179a6 ལྷ་མོ་སྒྱུ་མ་ནི་ཚེ་ཟད་ནས་འཆི་བའི་དུས་ཀྱིས། བྱང་ཆུབ་སེམས་དཔས་ཉེས་པ་མ་ཡིན་ནོ།། ཅིའི་ཕྱིར་ན། བྱང་ཆུབ་སེམས་དཔའ་བཟོ་སློབ་ཅེ་ན། འཇིག་རྟེན་གྱི་རྗེས་སུ་འཇུག་པའི
179a7 ཕྱིར་དུ་ཟད་ཀྱི། བྱང་ཆུབ་སེམས་དཔའ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གཙུག་ལག་གམ། གླུ་འམ་གར་རམ་སྔགས་སམ་རིག་སྔགས་སམ། ཐབས་སམ།
iiif viewer powered by OpenSeadragon
