| e-texts navigator |
| Wylie |
178a1 དྲུག་དང་བརྒྱད་མ་ཡིན་ནོ།། ཅིའི་ཕྱིར་ན་བྱང་ཆུབ་སེམས་དཔའ་གོམ་པ་བདུན་བོར་ནས་ང་ནི་འཇིག་རྟེན་ན་གཙོ་བོ་ཡིན་ཏེ། སྐྱེ་བ་དང་རྒ་བ་དང་། འཆི་བ་མཐར་བྱའོ།།
178a2 ཞེས་ཚིག་ཏུ་སྨྲ་ཞེ་ན། འཁོར་དེ་ན་ཚངས་པ་དང་། ལྷ་མཐུ་ཆེ་བ་དག་ལྷགས་ཤིང་འཁོད་དེ། ང་རྒྱལ་ཅན་དུ་གྱུར་པ་དེ་དག་བདག་ཅག་གཙོ་བོ་ཡིན་གྱི། འདི་ནི་མ་ཡིན་ནོ་སྙམ་དུ་སེམས
178a3 ཤིང་དེ་དག་བྱང་ཆུབ་སེམས་དཔའ་ལ་འདུད་པར་མི་བྱེད། ཡང་དག་པར་འདུད་པར་མི་བྱེད་པས་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་སེམས་ཏེ། ཚངས་པ་དང
178a4 ལྷ་འདི་དག་ཡུན་རིང་པོར་ཕན་པར་མེད་པར་གྱུར་དུ་འོང་ངོ་ཞེས། དེའི་ཕྱིར་བྱང་ཆུབ་སེམས་དཔས་འཇིག་རྟེན་ན་མཆོག་གོ། སྐྱེ་བ་དང་། རྒ་བ་དང་། འཆི་བ་མཐར་འབྱིན་ཏོ་ཞེས་སྨྲ་ཞི
178a5 སྒྲ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བསྒོ་བ་དང་། གང་བྱང་ཆུབ་སེམས་དཔའ་མ་ལྤགས་པ་དེ་དག་ཀྱང་སྒྲ་དེས་ལྤགས་པར་གྱུར་ནས། དེའི་ཚེ་ཚངས་པ
178a6 དེ་དག་དང་ལྷའི་བུ་དེ་དག་བྱང་ཆུབ་སེམས་དཔའ་ལ་ཐལ་མོ་སྦྱར་ནས་འདུད་པར་གྱུར་ཏོ།། རྒྱུ་དེ་དང་རྐྱེན་དེའི་ཕྱིར་བྱང་ཆུབ་སེམས་དཔའ་འཇིག་རྟེན་ང་མཆོག་གོ། ང་མཆོག་གོ།། སྐྱེ་བ
178a7 དང་ངན་བ་དང་། ཤི་བ་མཐར་འབྱིན་ནོ།། ཞེས་དེ་སྐད་ཀྱི་ཚིག་སྨྲའོ།། ཅིའི་ཕྱིར་ན། བྱང་ཆུབ་སེམས་དཔའ་གད་མོ་ཆེར་དགོད་ཅེ་ན། བྱང་ཆུབ་སེམས་དཔའ་ནི་གཡེམ་པའི་དགོད་པ་འམ།
iiif viewer powered by OpenSeadragon
