| e-texts navigator |
| Wylie |
163b1 སྤྲོ་བ་ཉིད་དོ་བགྱིའོ།། སེམས་ཅན་གཅིག་པོའི་དགེ་བའི་རྩ་བ་ཡོངས་སུ་གཏོང་བ་དང་ཡོངས་སུ་འབྲི་བར་ནི་མི་བགྱིའོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས།།
163b2 དཔའ་འོད་མང་ལྡན་གྱི་རྒྱལ་པོ་ལ་ལེགས་སོ་ཞེས་བྱ་བ་བྱིན་ནས། ལེགས་སོ་ལེགས་སོ།། སྐྱེས་བུ་དམ་པ་བྱང་ཆུབ་སེམས་དཔའ་དག་ནི་སྙིང་རྗེ་ཆེན་པོ་འདིས་ལྟུང་བ་ཐམས་ཅད་སྤོང་།
163b3 སྟེ། རིགས་ཀྱི་བུ་ངས་མངོན་པར་ཤེས་པ་འདས་པའི་དུས་བསྐལ་པ་གྲངས་མེད་པའི་ཕ་རོལ་གྱི་ཡང་ཤིན་ཏུ་ཕ་རོལ་ན། ཁྱེའུ་སྐར་མ་ཞེས་བྱ་བ་ཞིག་ཡོད་དེ། ནགས་ཀྱི་འདབ་ན་ལོ
163b4 བཞི་ཁྲི་ཉིས་སྟོང་དུ་ཚངས་པར་སྤྱོད་པ་སྤྱད་ནས། དེ་ལོ་བཞི་ཁྲི་ཉིས་སྟོང་འདས་པ་དང་། རྒྱལ་པོའི་ཕོ་བྲང་འབྱོར་པ་ཞེས་བྱ་བར་ཕྱིན་ནས། དེ་གྲོང་ཁྱེར་ཆེན་པོ་དེར་སོང་བ་དང་། ཆུ་ཆུན
163b5 མ་ཞིག་གིས་ཁྱེའུ་བཟང་པོ་དེ་མཐོང་ནས། འདོད་པའི་འདོད་ཆགས་ཀྱིས་ཡོངས་སུ་ཟིན་པའི་སེམས་དང་ལྡན་པས་ཁྱེའུ་དེའི་མདུན་དུ་བརྒྱུགས་ཏེ་ཕྱག་འཚལ་ཏོ།།
163b6 དེ་ནས་རིགས་ཀྱི་བུ་ཁྱེའུ་སྐར་མས་བུད་མེད་དེ་ལ་འདི་སྐད་ཅེས་སྨྲས་སོ།། སྲིང་མོ་ཁྱོད་ཅི་འདོད།། མོས་དེ་ལ་འདི་སྐད་ཅེས་སྨྲས་སོ།། ཁྱེའུ་བདག་ཁྱོད
163b7 འཚལ་ལོ།། ཁོས་དེ་ལ་འདི་སྐད་ཅེས་སྨྲས་སོ།། སྲིང་མོ་ཁོ་བོ་ནི་འདོད་པ་དགོས་པ་མ་ཡིན་ནོ།། མོས་དེ་ལ་འདི་སྐད་ཅེས་སྨྲས་སོ།། གལ་ཏེ་བདག་ཁྱོད་དང་མཇལ་བར་མི
iiif viewer powered by OpenSeadragon
