| e-texts navigator |
| Wylie |
162a1 ཞེན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གང་དཀོན་མཆོག་གསུམ་ལ་གཞོལ་བར་མི་འགྱུར་བའི་གཡོག་འཆང་བར་མི་བྱེད་དོ།། དཀོན་མཆོག
162a2 གང་ཞེན། སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་གོ། དགའ་བོ་གང་གི་ཚེ་བྱང་ཆུབ་སེམས་དཔའི་ཐེག་པ་ལ་གནས་པའི་རིགས་ཀྱི་བུ་ཐམས
162a3 ཅད་མཁྱེན་པ་ཉིད་ཀྱི་སེམས་དང་མ་བྲལ་བར་འདོད་པ་ལྔའི་ཡོན་ཏན་གྱིས་བརྩེ་དགའ་ཞིང་ཡོངས་སུ་སྤྱོད་པར་མཐོང་ན། དགའ་བོ་དེའི་ཚེ། ཁྱོད་ཀྱིས་སྐྱེས་བུ་དམ་པ་དེ
162a4 བཞིན་གཤེགས་པའི་དབང་པོ་ལྔ་དང་ལྡན་པར་ཤེས་པར་གྱིས་ཤིག། དགའ་བོ་ཁྱོད་ཡང་ཅིའི་ཕྱིར་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་བུད་མེད་དང་ལྷན་ཅིག་ཏུ་ཁྲི་གཅིག་ལ
162a5 འདུག་པ་དེ་ཉོན་ཅིག། དགའ་བོ་སྲིང་མོ་དེ་ནི། འདས་པའི་དུས་ན། ཚེ་རབས་ཉིས་བརྒྱར་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོའི་ཆུང་མར་གྱུར་ཏེ། དེ་སྔོན་གྱི་བག་ལ་ཉལ།
162a6 དེ་ཉིད་ཀྱིས་རིགས་ཀྱི་བུ་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་དེའི་དཔལ་དང་གཟི་བརྗིད་དང་། ཚུལ་ཁྲིམས་དང་། སྟོབས་བསྐྱེད་པ་མཐོང་ཡང་། བརྗེད་ནས་གནས་ངན་ལེན་གྱི
162a7 ཚིག་སྨྲས་ཏེ། དེ་གཅིག་པུ་ལྐོག་ཏུ་སོང་ནས། གལ་ཏེ་བྱང་ཆུབ་སེམས་དཔའ་འོད་མང་ལྡན་གྱི་རྒྱལ་པོ་བདག་དང་ལྷན་ཅིག་ཏུ་ཁྲི་གཅིག་ཏུ་འདུག་ན། བདག་གིས་བླ་ན་མེད་པ་ཡང་དག
iiif viewer powered by OpenSeadragon
