| e-texts navigator |
| Wylie |
159a1 བདག་གི་སྦྱིན་པ་ཆུང་ངུ་ཟིན་ཀྱང་ཐམས་ཅད་མཁྱེན་པ་ཉིད་ཀྱི་སེམས་ནི་དཔག་ཏུ་མེད་པའོ་སྙམ་ནས། དེ་ཐམས་ཅད་མཁྱེན་པ་ཉིད་ཀྱི་ཟས་གཟར་བུ་གང་པོ་སྦྱིན་པར་བྱེད།
159a2 ཅིང་དགེ་བའི་རྩ་བ་འདིས་སེམས་ཅན་ཐམས་ཅད་འདི་ལྟ་སྟེ་དཔེར་ན་ད་ལྟར་གྱི་དེ་བཞིན་གཤེགས་པ་ཕྱག་ན་རིན་ཆེན་བཞིན་དུ་ཤོག་ཤིག་ཅེས་ཟས་གཟར་བུ་གང་པོ་དེ
159a3 ཉིད་ཀྱིས་སྦྱིན་པའི་རང་བཞིན་དང་། ཚུལ་ཁྲིམས་ཀྱི་རང་བཞིན་དང་། བསྒོམ་པའི་རང་བཞིན་གྱིས་བསོད་ནམས་བྱ་བའི་དངོས་པོ་མངོན་པར་བྱེད་དོ།། རིགས་ཀྱི་བུ་གཞན་ཡང་བྱང་ཆུབ
159a4 སེམས་དཔའ་ཐབས་མཁས་པ་ནི། ཉན་ཐོས་དང་རང་སངས་རྒྱས་རྣམས་དང་། ལྷན་ཅིག་ཏུ་གནས་ཀྱང་དེ་དག་ལ་འདོད་པར་མི་བྱེད་དོ།། གལ་ཏེ་ཡང་ཉན་ཐོས་དང་། རང་སངས
159a5 རྒྱས་དག་ལ་བཀུར་སྟི་བྱས་པ་མཐོང་ན་དེ་རྒྱུ་གཉིས་ཀྱིས་བདག་ཉིད་ཁོང་དུ་ཆུད་པར་བྱེད་དོ།། དེ་རྒྱུ་གཉིས་གང་ཞེ་ན། བྱང་ཆུབ་སེམས་དཔའ་ལས་ནི་སངས་རྒྱས་བཅོམ་ལྡན་འདས
159a6 རྣམས་འབྱུང་། སངས་རྒྱས་ལས་ནི་ཉན་ཐོས་དང་། རང་སངས་རྒྱས་རྣམས་འབྱུང་བས་དེ་དག་ལ་བཀུར་སྟི་བྱས་ནས་བདག་ཉིད་ལ་ཐོག་མ་ཁོ་ནར་བཀུར་སྟི་བྱས་པ་ཡིན་གྱི། དེ་དག་ལ
159a7 ནི་མ་ཡིན་པ་དང་། དེ་དག་ནི་བདག་གི་ཕའི་ནོར་ལ་སྤྱོད་མོད་ཀྱི། དེ་བདག་གིས་འདོད་པར་མི་བྱ། ཕྲག་དོག་ཏུ་མི་བྱ་སྙམ་དུ་སེམས་པའོ།། རིགས་ཀྱི་བུ་གཞན་ཡང་བྱང་ཆུབ
iiif viewer powered by OpenSeadragon
