| e-texts navigator |
| Wylie |
157b1 ཆེན་པོ་ཐབས་མཁས་པ་ནི་ཟས་ཁམ་གཅིག་གིས་ཀྱང་སེམས་ཅནྡན་ཐམས་ཅད་ལ་ཁྱབ་པར་བྱེད་དོ།། དེ་ཅིའི་ཕྱིར་ཞེ་ནུ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས
157b2 མཁས་པ་ནི། བྱོལ་སོང་དུ་གཏོགས་པའི་ལ་ཟས་ཁམས་གཅིག་སྦྱིན་པར་བྱེད་པ་དེ་ཡང་ཐམས་ཅད་མཁྱེན་པ་ཉིད་ཀྱི་སེམས་དང་ལྡན་པ་ཡིན་ཏེ། དགེ་བའི་རྩ་བ་དེ་ཡང་སེམས་ཅན་ཐམས་ཅད
157b3 ལ་བསྔོའོ།། དེ་ནི་རྒྱུ་གཉིས་ཀྱིས་སེམས་ཅན་ཐམས་ཅད་ལ་ཁྱབ་པར་བྱེད་དོ།། གཉིས་པོ་གང་ཞེ་ན། ཐམས་ཅད་མཁྱེན་པ་ཉིད་ཀྱི་སེམས་དང་བསྔོའོ།། རིགས་ཀྱི་བུ་གཞན་ཡང་བྱང་ཆུབ
157b4 སེམས་དཔའ་སེམས་དཔའ་ཆེན་པོ་ཐབས་མཁས་པ་ནི་ཕ་རོལ་གྱི་དགེ་བའི་རྩ་བ་ལྔ་ཡིད་རང་བར་བྱེད་དོ།། ཡིད་རུང་བར་བྱས་ནས་སེམས་ཅན་ཐམས་ཅད་ལ་བསྔོ་སྟེ། ཐམས་ཅད་མཁྱེན
157b5 བའི་སེམས་དེས་སྦྱིན་པར་བྱེད་པ་དང་། སྦྱིན་པའི་བདག་པོ་དེ་དག་ཟིལ་གྱིས་གནོན་ཏོ།། གང་ལེན་པར་བྱེད་པ་དེ་དག་ཀྱང་ཟིལ་གྱིས་གནོན་ཏོ།། རིགས་ཀྱི་བུ་གཞན་ཡང་བྱང
157b6 ཆུབ་སེམས་དཔའ་ཐབས་མཁས་པ་ནི་ཕྱོགས་བཅུན་ཤིང་ལས་བྱུང་བའི་མེ་ཏོག་གང་ཅི་ཡོད་པ་ཕྲ་མོ་ཡོངས་སུ་མ་བླངས་པ་རྣམས་དང་། ཕྱོགས་བཅུ་ན་གང་སྤོས་ཀྱི་ཤིང་ཡོད་པ
157b7 རླུང་གིས་ཁྱེར་བ་ཡོངསུ་མ་བླངས་པ། བདག་པོ་མེད་པ་དེ་དག་ཀྱང་། སངས་རྒྱས་ཐམས་ཅད་ལ་འབུལ་ཞིང་དགེ་བའི་རྩ་བ་དེ་ཡང་ཐམས་ཅད་མཁྱེན་པ་ཉིད་དུ་བསྔོ་བར་བྱེད་དོ།།
iiif viewer powered by OpenSeadragon
