| e-texts navigator |
| Wylie |
46a1 བཀའ་སྩལ་པ། ཀུན་དགའ་བོ་ཁྱིམ་བདག་དྲག་ཤུལ་ཅང་འདི་ནི་གང་དག་བསྐལ་པ་བཟང་པོ་འདི་ལ་འབྱུང་བའི་དེ་བཞིན་གཤེགས་པ་དེ་དག་ཐམས་ཅད་ལ་རིམ་མོ་བྱེད་བུར་འགྱུར་རོ།།
46a2 བསྟི་སྟང་དང་མཆོད་པ་ཐམས་ཅད་ཀྱིས་མཆོད་པར་འགྱུར་རོ།། དམ་པའི་ཆོས་ཀྱང་འཛིན་པར་འགྱུར་རོ།། རྟག་ཏུའང་ཁྱིམ་བདག་ཏུ་གྱུར་ནས་རབ་ཏུ་བྱུང་བའི་བསླབ་པ་ལ་གནས་སོ།།
46a3 དེ་བཞིན་གཤེགས་པའི་བྱང་ཆུབ་དེའང་རྒྱས་པར་བྱེད་པར་འགྱུར་རོ།། དེ་ནས་ཚེ་དང་ལྡན་པ་ཀུན་དགའ་བོས་ཁྱིམ་བདག་དྲག་ཤུལ་ཅན་ལ་འདི་སྐད་ཅེས་སྨྲས་སོ།། ཁྱིམ་བ།
46a4 རྒྱུ་གང་དང་རྐྱེན་གང་གིས་གང་ཁྱིམ་ན་གནས་ཤིང་རྡུལ་ལ་གནས་པ་ལ་དགའ་བར་བྱེད།། དྲག་ཤུལ་ཅན་གྱིས་སྨྲས་པ། བཙུན་པ་ཀུན་དགའ་བོ་རྡུལ་ནི་རྡུལ་ཅུང་ཟད་ཀྱང་མེད་དེ། སྙིང་རྗེ་ཆེན་པོ་དང་ལྡན
46a5 པས་བདག་བདེ་བ་ལ་མི་རེ་བ་ཡིན་ནོ།། བཙུན་པ་ཀུན་དགའ་བོ་བྱང་ཆུབ་སེམས་དཔའ་ནི་སྡུག་བསྔལ་ཐམས་ཅད་ཀྱིས་གཟིར་ཀྱང་བཟོད་དེ། སེམས་ཅན་རྣམས་ཡོངས་སུ་མི་གཏོང་ངོ་།།
46a6 དེ་སྐད་ཅེས་སྤྲས་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་ཁྱིམ་བདག་དྲག་ཤུལ་ཅན་འདི་ཁྱིམ་གྱི་ས་ལ་གནས་ནས།
46a7 བསྐལ་པ་བཟང་པོ་འདི་ལ་སེམས་ཅན་རབ་ཏུ་མང་པོ་ཡོངས་སུ་སྨིན་པར་བྱེད་པར་འགྱུར་ཏེ། རབ་ཏུ་བྱུང་བའི་བྱང་ཆུབ་སེམས་དཔའ་ནི་བསྐལ་པ་སྟོང་ངམ། བསྐལ་པ་བརྒྱ་སྟོང་དུའང་དེ་ལྟར་མི་ནུས་སོ།།
iiif viewer powered by OpenSeadragon
