| e-texts navigator |
| Wylie |
43b1 ཡོངས་སུ་དག་པའོ།། ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། བདག་ལ་བདག་མེད་པར་འདུ་ཤེས་པས་བདག་ལ་མི་བསྟོད་པ་དང་། གཞན་ལ།
43b2 མི་དམིགས་པས་གཞན་ལ་མི་སྨོད་པ་དང་། སེམས་ཤིན་ཏུ་སྦྱངས་པས། རློམ་སེམས་མེད་པ་དང་། ཆོས་ཐམས་ཅད་མཉམ་པ་ཉིད་པས་གཡོ་བ་མེད་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ
43b3 དག་པའོ།། དྲིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། སྟོང་པ་ཉིདདི་ལ་མོ་པ་དང་། མཚན་མ་མེད་པས་མི་སྐྲག་པ་དང་། སེམས་ཅན་ཐམས་ཅད་ལ་ཆེ
43b4 སྙིང་རྗེ་བ་དང་། བདག་མེད་པ་ལ་བཟོད་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ཏིང་ངེ་འཛིན་ཡོངས་སུ་དག་པཅཝོ
43b5 ན་དེ་ལ་སློབ་སྟེ། ཏིང་ངེ་འཛིན་ཡོངས་སུ་དག་པ་དེ་གང་ཞེ་ན། གང་ཆོས་ཐམས་ཅད་ལ་རྩོལ་བ་མེད་པ་དང་། ཆོས་ཐམས་ཅད་མཉམ་པ་ཉིད་པས་གཉིས་སུ་དབྱེར་མེད་པ་དང་། སེམས་ལས་སུ་རུང་བ་དང
43b6 སེམས་རྩེ་བཅིག་པ་དང་། སེམས་ངེས་པར་འབྱུང་བ་དང་། སེམས་མི་འགྲོ་བ་དང་། སེམས་ཀུན་ཏུ་མི་རྒྱུ་བ་དང་། སེམས་མི་གནས་པ་དང་། སེམས་ངེས་པར་སེམས་པར་བྱིན་གྱིས་རྙོབ་པ་དང་། སེམས
43b7 ལ་དབང་སྒྱུར་བ་དང་། སེམས་འདོད་པའི་ཡོན་ཏན་རྣམས་ལ་མི་ཆགས་པ་དང་། སེམས་ཆོས་ལ་སྒྱུ་མར་སོ་སོར་རྟོག་པ་དང་། ཇི་ལྟར་ཆོས་ཀྱི་དབྱིངས་མངོན་པར་འདུ་མི་བྱེད་པ་དང་། ཇི་ལྟར་མི་སྐྱེ་མི་འབྱུང་ཞིང
iiif viewer powered by OpenSeadragon
